Di Doza Kobanê de dozgeriyê xwest ku girtina hemû girtiyên siyasî berdewam bike. Siyasetmedarê girtî Alp Altinors ê di danişînê de parastin kir anî ziman ku banga HDP’ê ya tê sûcdarkirin dişibe bangên NY û sazî û hêzên din ên navneteweyî yên wê demê û pirsa “Sekreterê Giştî yê NY’yê jî ji KCK’ê ferman girt?” pirsî.
Hevserokên Giştî yên DEM Partiyê Tulay Hatîmogûllari û Tuncer Bakirhan ji bo serdana Selahattîn Demîrtaş û Selçûk Mizrakli çûn Edîrneyê.
Hate diyarkirin ku li Mêrdînê dadgerekî li ser gilîkirina hevjîna wî ya mamoste li dibistana çûyê 3 xwendekar dane binçavkirin. Serdozgeriyê bûyer derewand. Baroya Mêrdînê jî bang li HSK’ê kir ku “kirariyên pêwîst” bidin destpêkirin.
Hejmara kesên di êrişa li bajarê Kirman a Îranê de mirîn ku DAIŞ’ê li xwe girtibû, derket 89’an.
Li navenda Şirnexê ji ber mijê, navbera dîtinê heta metreyekê ket û Midûriyeta Meteorolojiyê hişyarî da ku heta hewce neke bi wesayîtên xwe dernekevin.
Malbata Rêberê PKK’ê Abdullah Ocalan û malbatên girtiyên din ji bo hevdîtina li Girava Îmraliyê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Mehmet Îldem ku piştî 30 salan di 65 saliya xwe de tehliye bû, li bajarê xwe Mêrdînê ji hêla neviyên xwe ve hat pêşwazîkirin.
Şêniyên gundê Hespistê dan zanîn ku artêşa tirk dorpêça xwe ya li ser gund rakir.
Rejîma Îranê nehêla cenazeyê Derhêner Mensûr Kerîmiyan ku di encama êrişa hewayî ya dewleta tirk de hatibû qetilkirin li bajarê wî Sinê were definkirin. Cenazeyê Kerîmiyan dê li Herêma Federe ya Kurdistanê bê definkirin.
Li navçeya Farqînê polîsan di saetên serê sibê de bi ser gelek malan de girtin û 3 ciwan binçav kirin.
Serokwekîla Koma DEM Partiyê Gulistan Kiliç Koçyîgît biryara Dadgeha Bilind a derheqê Can Atalay de weke “Muxtiraya derbeyê” pênase kir û wiha got: “An em ê maf û azadiyên bingehîn biparêzin an jî dê destûra bingehîn a tarî li me bê ferzkirin.”
Parêzer Kemal Aytaç ê biryara Dadgeha Bilind a derbarê Can Atalay de weke “darbeya desthilatê ya siyasî” nirxand, ragihand ku li dijî biryarê serî li 4’emîn Daîreya Ceza ya Dadgeha Bilind û AYM’ê dane.
Medyaya îktîdarê ji bo HPG’iyên di demên berê de jiyana xwe ji dest dane her roj dest bi weşandina “nûçeya lezgîn” kir.
73 roj in ji rojnameger Silêman Ehmed tu agahî jê nayên girtin. Dayika Ehmed, Sûltane Ehmed bertek nîşan da û got: "PDK nahêle ez kurê xwe bibînim."
Çalakiya greva birçîbûnê ku girtiyên siyasî bi daxwaza “Ji Abdullah Ocalan re azadî, ji bo pirsgirêka kurd çareserî” dane destpêkirin di roja 40’an de didome.