Denîz Poyraz ku di êrişa li dijî avahiya HDP’ê ya Îzmîrê de hatibû qetilkirin, di 4’emîn salvegera qetilkirina xwe de li gelek bajaran hate bibîranîn. Di bîranînê de hat xwestin ku hêzên tarî yên tiliya wan di cînayetê de hene bên girtin.
Di danişîna doza rojnameger Hatîce Şahînê de ku bi îdiaya “endamtiya rêxistinê” tê darizandin, biryara şertê kontrola edlî nehat betalkirin.
Danişîna doza ji ber qetilkirina Parlamenterê DEP’ê Mehmet Sîncar careke din ji bo amadekirina mutalaayê hate taloqkirin. Parêzerên dozê ji ber ku ev 4 sal in mutalaa nehatiye amadekirin bertek nîşan dan.
Li Colemêrgê, polîsê hêza taybet Bahadir Tûran ku bi qûndaxa çekê Seyfûllah Tûran ê 14 salî birîndar kiribû, ji kar hate avêtin.
Denîz Poyraz di 4’emîn salvegera qetilkirina xwe de li ser gora xwe hate bibîranîn. Di bîranînê de soza mezinkirina têkoşînê hat dayin.
Berpirsyara Têkiliyên Karên Derve ya PJAK’ê Zegrus Enderyarî diyar kir ku ew ne aliyekê şerê Îran-Îsraîlê ne û got: “Em ê gelê xwe bêparastin nehêlin. Em li her qadê amade ne, rêxistinkirî ne.”
Ji bo tehliyeya girtiyê nexweş Mehmet Emîn Çam ê ku rewşa wî kritîk e, ji bo ATK’ê serlêdan hate kirin. ATK’ê cara duyemîn rapora “Rewşa wî ji bo girtîgehê guncav e” da.
Sema Yuce ku li dijî zextên ser gelê Kurd di sala 1998’an de xwe şewitandibû, di 27’emîn salvegera mirina xwe de li ser gora xwe hat bibîranîn.
Hevserokê Giştî yê DEM Partiyê Tuncer Bakirhan bal kişand ser geşedanên li Rojhilata Navîn û got: “Tirkiye bi çareseriya demokratîk a pirsgirêka Kurd re dikare xwe ji vê bahozê xelas bike.”
Wekîlê DEM Partiyê Omer Ocalan diyar kir ku di hevdîtina dawî de Abdullah Ocalan xwestiye hevdîtinên di navbera Kurdan û hikûmeta Şamê de bên lezkirin û ji bo DEM Partiyê jî gotiye: “Ji bo siyaseteke berfireh bidomîne gelek firsend jê re çêbûn. Divê potansiyela xwe derxîne holê.”
Kesê bi navê H.Î. ku ji ber tacîza zayendî ya li dijî zaroka xwe dihat darizandin, tevî rapora pisporan jî di danişîna ewil a dozê de bi îdiaya “delîl kêm in” hate berdan.
Tehliyeya Hevşaredara Bazîdê ya berê Delal Tekdemîr bi hinceta “li qawîşa rêxistinkirî dimîne” hate taloqkirin.
Walîtiya Şirnexê li navçeya Elkê 6 herêm weke “herêma ewlehiya taybet a demkî” ragihand.
4 rojnamegerên di çarçoveya lêpirsîna navenda wê Artvînê de hatibûn binçavkirin, hatin girtin.
Kemal Ozelmali ji ber nexweşiya Wernicke Korsakoffê, pirsgirêka jibîrkirinê dijiya û bi vê sedemê hatibû berdan. Ozelmali ku ji ber vê pirsgirêka xwe ji bîr kir îmzeyê biavêje, dîsa hatibû girtin. Tevî vê nexweşiyê jî înfaza Ozelmali tê şewitandin û bi hinceta lêgerîna nava dev red dike, nayê berdan.