NAVENDA NÛÇEYAN – Konferansa Kongreya Hevpeymaniya Sosyal Demokrat a Welatên Erebî ya li Silêmaniyê bi dawî bû û Bafil Celal Talebanî bû serokê hevpeymanê.

 

Kongreya Hevpeymaniya Sosyal Demokrat a Welatên Erebî ku di 27’ê Tebaxê de li Silêmaniyê destpêkiribû, di roja çaran de bi dawî bû. Serokê YNK’ê Bafil Celal Talebanî, weke serokê Hevpeymaniya Sosyal Demokrat a Welatên Erebî hate hilbijartin.

 

Di kongreyê gelek panel, dîdar û guftûgo li ser pirsgirêkên Rojhilata Navîn, herêmê, guhertinên li herêmê û pirsgirêka Kurdan hatin lidarxistin.

 

Bafil Talebanî di roja dawî de peyamek da û got; “Serokatiya hevpeymanê erkek mezin e, fikra Mam Celal dê hertim rêberiya me bike. Em ê ji bo yekitî, reform û edaletê bixebitin.”