Di biryara bihincet a derbarê Berdevka Demkî ya TJA'yê Ayşe Gokkan de ku 30 sal ceza lê hatibû birîn de tevlîbûna çalakiyan a Gokkan weke "gefa micid a li jiyana demokratîk" hatiye hesibandin.
Rûxandina li Taxa Ben û Senê didome. Jinan bal kişandin ser çanda taxê û gotin: "Em nikarin li cihekî din bijîn."
Berdevka DAKP'ê Çagla Îzcî, diyar kir ku dê bi çalakiyên xwe yên bi dirûşmeya "Dem dema azadiya jinê ye", pêşî li ber polîtîkayên şerê taybet ên li herêmê tên meşandin bigirin.
Hevseroka Giştî ya HDP'ê Pervîn Bûldan, diyar kir ku wê bi jinên cîhanê re ji tundiyê re bibêjin "na" û ev tişt got: "Ev desthilat wê di hilbijartinên ewil de têk biçe, kavila li pey wê bimîne jî wê sûcên wê yên li dijî jinan bin."
Parlamenterên HDP'ê yên jin, di hevdîtinên budçeyê de dovîza "Em ê Peymana Stenbolê careke din bînin û pêk bînin" vekirin.
Li navçeya Ataşehîrê zilamê bi navê Gokturk B. jina bi navê Başak Cengîz kuşt.
Dayikên Aştiyê anîn ziman ku çavkaniya pirsgirêkên li Tirkiyeyê rû didin tecrîda li Îmraliyê ye û bang kirin: "Divê kurd, li hemberî bêdengiya hêzên navdewletî bibin yek."
TJA'yê û OHD'ê li Rihayê panelek li ser "Têkoşîna Sûcên Zayendî li dar xist.
Endama Mafê Mirovan a Herêma Efrînê Nayele Mihemed anî ziman ku piştî ku Tirkiyeyê Efrînê dagir kiriye sûcên li hemberî jinan êdî bûne sûcine rojane. Nayele, destnîşan kir ku Efrîn bajarekî jina bû û got: "Bihuşt bû ji bo jina. Piştî dagirkirine bu dojeha jina."
Li Manîsayê, Înîsiyatîfa Dayikên Aştiyê hat avakirin. Ji Dayikên Aştiyê Behiye Yalçin, bang li dayikan kir ku ji bo pêkanîna aştiyê tevlî xebatên înîsiyatîfê bibin.
Li Afganistanê 4 aktîvistên jin mirî hatin dîtin.
Edîbe Babûr a dema li Wanê hat binçavkirin û gotibû ‘Kurd wê serî ji we re netewînin’ wiha got: “Ev gotin ne ya min tenê ye, gotineke ku her kurdê birûmet dibêje ye. Ji bilî berxwedan û serîhildanê tu alternatîfa kurdan nîne.”
Li gorî çeteya tundiya li ser jinan a JINNEWS'ê, di meha cotmehê de 23 jin hatine kuştin û 14 jin jî bi awayekî biguman jiyana xwe ji dest dane.
Li navçeya Luleburgazê zilamê bi navê Selçûk G, jina bi navê Îlknûr Gokay Tuncel kuşt.
Li Mêrdînê fermandarê qereqolê Fahrî Ç. ku ji ber sûcê tacizê tê darizandin, peyamên wî yên naveroka wan zayendî wekî "peyamşandinekê" hatin nirxandin û derbarê wî de biryara beraetê hat dayîn.