Li Wanê di 7 rojan de 4 jin bi awayekî gumanbar jiyana xwe ji dest dan. Ji Komeleya Jinê ya Starê Rojbîn Bor, bal kişand ser qetilkirina jinan ku wekî "xwekuştinê" tên nîşandan û got ku nezelalkirina van kuştinan, encama "polîtîkaya jinê" ya desthilatê ye.
Seroka Komeleya Jinê ya Rosayê Adalet Kaya ku têkildarî Komcivîna Stareyên Jinê û Piştevaniya/Navendên Piştevaniyê axivî, wiha got: "Em ê pratîkeke têkoşînê ya li ser esasê xweparastin û çalak û bihêz derxînin holê."
Li Êlihê jinên ku bi hêceta şermezarkirina tecwizkar Mûsa Orhan hatin girtin, ev 6 meh in îdianameyê derbarê jinan de nehatiye amadekirin.
Îdianameya ku Serdozgeriya Komarê ya Şirnexê der barê kujer Metîn Şengîl de amade kir, ji aliyê Dadgeha Cezayê Giran a 3'yan a Şirnexê ve hat qebûlkirin. Taybet Uren, xwişka Berîvan Alturkê ku ji aliyê Şengîl ve hatibû qetilkirin, diyar kir ku tu kes bi hawara xwişka wê ve nehatiye û wiha got: "Ev, ji vê bêcazatiyê cesaretê digirin. Jinan bêqîmet dibînin. Dibêjin jinek hat kuştin ma çi bûye? Em dixwazin cezayê herî giran bidin wan da ku cesareta ku jinekê qetil bikin di xwe de nebînin."
Di encamnameya Konferansa Jinan a Navneteweyî de ji bo mayîndekirina têkoşîna hevpar, yekitî û tora piştevaniyê, tora ‘Jin, Jiyan, Azadî: Jin Pêşeroja Xwe Ava Dikin’ hat ragihandin.
Jinan ragihand ku ew ê îsal jî li dijî tundiya zilam-dewletê di 25’ê Mijdar3e de li Tunela Taksîmê bin.
Li gorî çeteleya tundiyê ya JINNEWS’ê, di meha cotmehê de herî kêm 36 jin hatin qetilkirin, hewldana qetilkirina 6 jinan çêbû û 21 jinan jî bi awayekî guman jiyana xwe ji dest dan.
Tîma Futbolê ya Jinan a Amedsporê li deplasmanê bi Tîma Fûtbolê ya Jinan a Trabzonsporê re 1 û 1 ma.
TJA’yê li Stenbolê bi tevlibûna bi sedan jinan deklarasyona 25'ê Mijdarê aşkera kir û got: "Di tevahiya hefteya 25’ê Mijdarê de her roj û her saetê, li hemû qadên ku em lê ne em ê dengê xwe bilind bikin, berxwedanê mezin bikin. Tu kes nikare rê li ber têkoşîna azadiyê ya jinê bigire!"
Li navçeya Erdîşê jina bi navê F.M. bi awayekî biguman jiyana xwe ji dest da.
2’yemîn Konferansa Jinan a Navnetewî ku wê gelek jin ji Kurdistan û gelek deverên cîhanê beşdar bibin, sibê dest pê dike.
Li gorî daneyên KCDP’ê yên meha cotmehê, 34 jin ji hêla zilaman ve hatin qetilkirin û 26 jinan jî bi awayekî guman jiyana xwe ji dest dan.
Jina bi navê S.S. ku polîsê bi navê Enes Aydemîr destdirêjî lê kiribû da zanîn ku hêj niha jî polîsê tecawizkar gefan li wê dixwe û wiha got: “Heke faîl peywirdarê cemaweriyê be, dozger û dadger hewl didin bûyerê bigirin.”
Endama Komîteya Amadekar a Konferansa Jinê ya Navneteweyî ya 2'yan Dilar Solîn wiha got: "Em jin armanc dikin ku bi vê konferansê rêyên pergaleke alternatîf a li hemberî modernîteya kapîtalîsta a zilamsalarî ya deşîfrebûyî vekolin û azmûneyên li ser vî esasî çêbûne nîqaş bikin û gavine hevpar biavêjin."
Meclisa Dayikên Aştiyê ya Wanê ji bo meşa li dijî bikaranîna çekên kîmyewî ya dê di 6’ê cotmehê de li navçeya Silopyayê were lidarxistin, banga tev li bûnê kirin.