NAVENDA NÛÇEYAN - Wezîrê Parastinê yê Îsraîlê Îsrael Katz ragihand ku berdevkê baskê leşkerî yê Hamasê yê Tugayên Îzeddîn el-Qassam Ebû Ubeyde di êrişeke asimanî ya li Xezeyê de hatiye kuştin.
Wezîrê Parastinê yê Îsraîlê Îsrael Katz li ser hesabê xwe yê medyaya dijîtal yê X’ê de ragihand ku berdevkê baskê leşkerî yê Hamasê yê Tugayên Îzeddîn el-Qassam Ebû Ubeyde di êrişeke asimanî ya li Xezeyê de hatiye kuştin.
Katz wiha got: “Berdevkê terorîst yê Hamasê Ebû Ubeyde li Xezayê hat kuştin û bi hêmanên din ên eksena xirabiyê ya Îran, Lubnan û Yemenê re ber bi dojehê va hat şandin.”
Artêşa Îsraîlê demeke dirêj e li Xezeyê qadroyên payebilind ên Hamasê dike armanc, lê rayedarên Hamasê heta niha der barê vê angaştê da tu daxuyanî nedane.
Her wiha Sky News a Erebî li gorî çavkaniyeke Filistînî ragihand ku xaniyê ku Îsraîlê şeva berê bombebaran kiribû çend roj berê ji aliyê malbata Ebû Ubeyde berdevkê leşkerî yê Hamasê va hatibû kirêkirin. Li gorî çavkaniyê di wê demê de hevjina Ebû Ubeyde û zarokên wî jî di xênî de bûn.