NAVENDA NÛÇEYAN - 1’emîn Daîreya Cezayan a Dadgeha Edliyeyê ya Herêma Amedê cezayên di doza qetilkirina Narîn Guranê hatine dayin, erê kir.
1’emîn Daîreya Cezayê ya Dadgeha Edliyeyê ya Herêma Amedê, cezayên ku 8’emîn Dadgeha Cezayên Giran a Amedê di doza qetilkirina Narîn Guranê de dabû, erê kir. Dadgehê, di dozê de cezayê muebbeta girankirî dabû dayika Narîn Guranê Yuksel Guran, kekê wê Enes Guran û mamê wê Salîm Guran. Her wiha jib o 4 sal û 6 meh cezayê hefsê yê li cîranê Guranan Nevzat Bahtiyar hatibû birîn jî îdiaya “Li gorî hiqûqê ye” hate kirin.