Pîlewer/ Qilêkerê li Navçeya Gêlê ya Amedê dijî û karê qilê dike Şukru Çoktan, diyar kir ku êdî kes naxwaze fêrî vî pîşeyî bibe û wiha got: "Ger ku ez bimirim ev pîşe jî wê bi min re bimire."
Komeleya Lêkolînên Kurdî, dest bi qeydên serdema payiza 2019'an kir. Komele wê bi zaravayên Kurmancî, Soranî û Kurmançkî yên Kurdî perwerde bide şagirtên xwe.
Halîme Yayan ku bi salan e "bûkok"an çê dike, got: "Ji bo li mala xwe daliqînim çê dikim, lê gava der û cînar, heval û hogir bixwazin ji wan re jî çê dikim."
BEKSAV'Ê ji bo 33 qurbaniyên komkujiya Pirsûsê bi berhemên 33 hunermendan pêşangehek vekir. Dê pêşangeh heta 30'ê Îlonê vekirîbe.
Li Stewrê Kargeha Hûnerê ya Zarokan a ji aliyê şaredariyê ve tê lidarxistin dest pê kir. Bernameya dê 3 rojan bidome li gundê Ewîna dest pê kir.
Şanogerên Teatra Jiyana Nû, diyar kirin ku wê di meha Mijdarê de li Stenbolê Rojên Şanoya Kurdî li dar bixin û gotin: "Werin lîstîkên me temaşe bikin."
Dadgeha Ceza ya Sulhê ya Qersê, pirtûka "Toprağın Şarkısı" ya ku ji weşanên Aramê çap bûbû qedexe kir.
Li Dîlokê, Abdûllah Goren ku ji bo zarokên xwe pêlîstokan çêke xurde berhev dikirin, niha bi hesinên xurde berhemên hunerî çê dike. Goren, got: "Pêdiviya zarokan bi pêlîstokên cuda heye, lê xeyala min ew e ku divê mirov bihêle zarok bi xwe çê bikin."
Weşanxaneya Wardozê ku bi çapkirina xebatên folklorîk tê nasîn, 2 pirtûkên din ên folklorîk li folklora kurdî zêde kir. Edîtorê Weşanxaneya Wardozê Bahoz Baran destnîşan kir ku heta ji wan tê dixwazin rengê folklara kurdî diyar bibe.
Zimanzan Zana Farqînî û Samî Tan, anîn ziman ku pêşketina zimanê Kurdî û têkoşîna demokratîk bi awyaekî pararlel bi hev re dimeşin û gotin, ji bo kurdî winda nebe û pêş bikeve pêdivî bi xebatên rêxistinbûyî heye.
Hejmara sêyemîn a kovara muzîkê ya kurdî Ziryabê û albûma ‘Olana Bajêr: Bijareyên Ziryabê’ derket.
Berdevkê Platforma Zimanê Kurdî Şerefxan Cizîrî ji bo waneya bijarte ya kurdî bang li malbatên kurd kir û ji wan xwest ku vê waneyê ji bo zarokên xwe hilbijêrin. Cizîrî da zanîn ku di vê mijarê bar dikeve ser milê siyasetmedarên kurd û wiha got: “Heke siyasetmedarên me ji bo vê yekê bang bikin dê xwedîderketina ji bo kurdî zêdetir bibe.”
Li Stenbolê komek ciwan, koma xwendinê ya bi kurdî ava kirin. Endamê komê Hanîfî ronak, got: "Li her qadê divê xwendin û nivîsandina bi kurdî hebe. Divê gelê me qîmetê bide vê yekê û berbelav bike."
Yakûp Yazar ku piştî plakeke guhdar kir û eleqeya wî bi bi tiştên kevnar çê bû, analog û berhemên kevnar ên bêceryan ên li dikana xwe ya "Bajar" nîşan da û got: "Tiştên kevnar, bi tena serê xwe zerya nin."
Dr. Erdal Sîpan di qada tibê de ji bo xizmeta tenduristiya bi kurdî mora xwe li xebatek nû ya tenduristiyê xist û pirtûka “Alîkariya Destpêkê” ya Kurdî weşand.