Dewleta tirk êrişên xwe yên li dijî Bakur û Rojhilatê Sûriyeyê didomîne. Di êrişan de binesaziya herêmê û qadên sivîlan hedef hatin girtin. Di erişan de dayikek û du zarokên xwe birîndar bûn û stasyona ceyranê û çewlika sewalan hatin bombebarankirin.
Li gorî nûçeya ANF’ê; HPG’ê ragihand ku di encama çalakiyên hêzên wan li Zapê de 61 leşker hatine kuştin.
Li çoltarê Şirnexê operasyona leşkerî hate destpêkirin.
Siyasetmedar Ahmet Turk ku ji bo namzetiya Hevşaredariya Bajarê Mezin a Mêrdînê serlêdan kiribû, da zanîn ku ji ber ku di tura yekemîn de nehat hilbijartin bernamzetiya xwe paşve kişandiye û wiha got: “Ez ê têkoşîna gelê kurd li platformên cuda bidomînim.”
DEM Partiyê duh li 45 bajar û navçeyan pêşhilbijartin li dar xist û bi dehhezaran delegeyan dengê xwe dan. Gelemperî hilbijartin ji bo tura duyemîn man.
Ciwanê kurd ê bi navê Îmam Hasan Wend di encama îşkenceya rejîma Îranê ya di 4 mehan de hate qetilkirin.
Rozerîn Kurt li Girtîgeha Jinan a Sîncanê tê ragirtin û ev 14 meh in tehliyeya wî ji hêla Lijneya Îdare û Çavdêriyê ve bi îdiaya “halnebaşiyê” tê astengkirin.
Dewleta tirk stasyona ceyranê û noqteyên asayîşê yên Eyn Îsa ya Bakur û Rojhilatê Sûriyeyê bombebaran kir.
Welatiyên ku tev li pêşhilbijartina Şirnexê bûn dan zanîn ku ew ê nehêlin vîna wan dîsa bê xespkirin û ji bo pêşhilbijartinê gotin: “Ne wekî pêşbirkê lê mîna şahiya demokrasiyê ye.”
Ji rojnameger Silêman Ehmed ku ji hêla asayîşa PDK’ê ve hatiye revandin, 82 roj in tu agahî nayên girtin.
Çalakiya greva birçîbûnê ku girtiyên siyasî bi daxwaza “Ji Abdullah Ocalan re azadî, ji bo pirsgirêka kurd çareserî” dane destpêkirin di roja 49’an de didome.
Mexdûrên erdhejê yên li navçeya Lîce ya Amedê ku di konteyniran de ne, diyar kirin ku AFAD'ê ji bo çêkirina xaniyan di navbera 1,5 û 4 milyon TL'yî de pere ji wan xwestiye.
Parlamenterê DEM Partiyê Sînan Çîftyûrek diyar kir ku sedema bingehîn a tecrîda Îmraliyê ew e ku dewlet ji fikrên Rêberê PKK'ê Abdullah Ocalan ditirse û got: "Divê tecrîd bê rakirin û Ocalan biaxive."
Serokê Şaxa ÎHD'ê ya Amedê Ercan Yilmaz diyar kir ku divê dewlet grevên birçîbûnê li ber çavan bigire û daxwazên girtiyan bi cih bîne. Yilmaz got ku divê raya giştî ya Tirkiyeyê jî piştgiriyê bide Nobetên Edaletê.