Girtiyê bi navê Ugur Temel ku li Girtîgeha Tîpa T a Şirnexê tê ragirtin, diyar kir ku li dijî zext û zordariyên li girtîgehê dest bi greva birçîbûnê kiriye û got ku heke ev zext bidomin dê çalakiya xwe veguherîne rojiya mirinê.
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan ku 34 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
4 sal û 5 meh û 10 roj cezayê hefsê yê li polîs Selahattîk Korkmaz ê li Amedê di sala 2013’an de bi wesayîta zirxî li Şahîn Oner dabû û kuşti bû hatibû birîn, hate xerakirin.
Galya Şahîn bi kurdê xwe yê li Girtîgeha Antalyayê tê ragirtin re hevdîtin kir û got: “Li ser wan gelek zext hene û divê em bibin dengê wan.”
Bi îdiaya bertîlê li dijî Şaredariya Buyukçekmeceyê operasyon hate lidarxistin û 20 kes hatin binçavkirin.
Koordînatora CÎSST’ê Jiyan Ay diyar kir ku 383 zarok di girtîgehan de ne û got ku şert û mercên girtîgehan hem ji hêla fîzîkî hem jî ji hêla ruhî ve bandoreke neyînî li ser dayik û zarokan dikin.
Nûnera TÎHV’ê ya Wanê Sevîm Çîçek, anî ziman ku li girtîgehên ku hiqûq lê nayê pêkanîn, dewlet bi “pratika tolhildanê” nêzî girtiyên nexweş dibe.
Ji rojnameger Silêman Ehmed ku ji hêla asayîşa PDK’ê ve hatiye revandin, 86 roj in tu agahî nayên girtin.
Çalakiya greva birçîbûnê ku girtiyên siyasî bi daxwaza “Ji Abdullah Ocalan re azadî, ji bo pirsgirêka kurd çareserî” dane destpêkirin di roja 53’yan de didome.
Ji ber nûçeya têkildarî rapora îşkenceya leşkeran li navçeya Sûrê li welatiyan kiribû, ji bo Ajansa Mezopotamyayê biryara astengkirinê hatibû dayîn. AYM’ê têkildarî astengkirinê biryara xwe da û got: “Mafê azadiya fikr û xwedîfadekirinê hatiye binpêkirin.”
Delegeyên ku beşdarî pêşhilbijartina li navçeya Farqînê bûn diyar kirin ku DEM Partî bi îradeya gel namzetên hevserokatiyê hildibijêre. Veysî Bîçen ê 30 salan di girtîgehê de maye pêşhilbijartinê wekî "şahiya demokrasiyê" pênase kir û got: "Ev ji bo min gava yekem e, demek pir girîng û dîrokî ye."
Bi hatina zivistanê re şewb zêde bûn. Lê welatî, nikarin dermanan peyda bikin. Ji lew re derman ji ber ku dê fiyetê wan ji sedî 25 bê bihakirin, di depoyan de tên sekinandin. Serokê Odeya Dermanfiroşan a Wan-Bedlîs-Colemêrgê Ersîn Karaman got: "Di serî de şirbûnên zarokan û hinek antîbiyotîk, gelek derman di piyaseyê de tune ne."
Civaknas û anarşîsta spanyayî Înnes Morales diyar kir ku fikrên Rêberê PKK'ê Abdullah Ocalan der barê çareserkirina şer û pevçûnan de ne û got: "Tecrîda li ser Ocalan dibe sedem ku hem jin hem jî gel azad bibin."
Hevserokê Şaxa ÎHD’ê ya Antalyayê Denîz Yildirim diyar kir ku ji ber greva birçîbûnê cezayê “dîsîplînê” li girtiyan hatiye birîn û got: “Tecrîd pirsgirêka me hemûyan e. Divê em di vê çalakiyê de girtiyan bi tenê nehêlin."
Hevberdevkê Rêxistina Mafê Mirovan a Efrînê Îbrahîm Şêxo, bi lêv kir ku Efrîn beriya dagirkirinê navenda aramiyê bû lê piştî dagirkirina dewleta tirk veguheriyê navenda revandin û kuştinê.