Rêxistina ESP’ê ya Îzmîrê ji bo piştevaniya bi çalakiyên bi daxwaza azadiya fîzîkî ya Rêberê PKK’ê Abdullah Ocalan hatine destpêkirin, dest bi çalakiya greva birçîbûnê ya ji bo 3 rojan kir.
Sefîrê Delegasyona Yekitiya Ewropayê ya Tirkiyeyê Nikolaus Meyer-Landrut û şandeya pê re Navenda Giştî ya DEM Partiyê ziyaret kir. Şande ji hêla hevserokên giştî ve hate pêşwazîkirin.
Li Girtîgeha Tîpa F a Kurkçulerê 4 girtî li girtîgehên Burdur û Antalyayê hatin sewqkirin.
Rêxistina Şefafiyê ya Navneteweyî encamên nelirêtiyan ên welatan parve kir û Tirkiyeyê ji 180 welatan di rêza 115’an de cih girt. Li gorî encaman, ji sala 2015’an ve li Tirkiyeyê nelirêtî roj bi roj zêdetir bûye.
Serokwekîla Koma DEM Partiyê Gulistan Kiliç Koçyîgît ji bo tevlibûna “Meşa Mezin a Azadiyê” ku dê bi daxwaza azadiya fîzîkî ya Rêberê PKK’ê Abdullah Ocalan bê destpêkirin banga tevlibûnê kir û wiha got: “Ji bo deriyek were vekirin û şensekî bidin aştiyê ya ku ji destê me tê em ê bikin.”
Girtî Vefa Yilmaz ku li Girtîgeha Tîpa S a Kavakê hate sewqkirin, da zanîn ku ji ber ku li dijî lêgerîna tazî derketiye hatiye derbkirin.
Parêzerê Can Atalay, Kemal Aytaç diyar kir ku betalkirina wekîltiya muwekîlê wî darbeyeke sivîl e û wiha got: “Bêhêvîtî nîne, têkoşînê bidomînin. Niha divê em dakevin kolanan. Têkoşîna demokratîk li kolanan tê dayîn.”
Endamê Navenda Mafên Zarokan Parêzer Mazlûm Îlter binpêkirinên ku zarokên girtî bi wan re rû bi rû dimînin nirxandin. Îlter anî ziman ku ji bilî girtinê divê ji bo zarokan modelên alternatîf ên înfazê bên tercîhkirin û Peymana Mafên Zarokan wekî referans esas bê girtin.
Endamê Dadgeha Kargêrî ya Bilind Yilmaz Akçîl ku di biryara vekirina Ayasofyayê ji bo taetê û vekişîna ji Peymana Stenbolê îmze kiribû, ji bo endamtiya AYM’ê hate tayînkirin.
Li girtîgehên Herêma Egeyê di 9 rojan de 19 girtî sewqî girtîgehên tîpa S'yê hatin kirin. Hevseroka Şaxa ÎHD'ê Zîlan Gumuş diyar kir ku sewqkirina bi darê zorê 'sûcê eziyetê' ye."
Li hemberî berxwedana malbata Tekîn cerdevanî, zext, tundî, binçavkirin, girtin, sirgûn û mirin bêfêde bûn. Fettah û Gurbet Tekîn ên ku di têkoşîna azadiyê ya gelê kurd de 2 zarokên xwe winda kirine û 2 jê li çiyê û yek jê jî di girtîgehê de, niha ji bo azadiya Ocalan di Nobeta Edaletê de ne.
Bi mebesta azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd bi rêyên demokratîk, girtiyên siyasî dest bi greva birçîbûnê kiribûn. Çalakiya girtiyan kete roja 66’an.
Rojnameger Silêman Ehmed 99 roj berê ji hêla asayîşa PDK’ê ve hate revandin. Ji roja hatiye revandin heta niha bi tu awayî agahî ji Ehmed nayên girtin.
Balafirên şer yên dewleta tirk gundê Geliyê Qeço yê rêzeçiyayên Metînayê bombebaran kirin.