Li ser medyaya sanal di parvekirinên bi etîketa “TECRİTHERYERDE” de wiha hat gotin: "Tecrîd, veguheriye rejîmek e ku li hemû kêliyên jiyanê tê ferzkirin. Heya pergala tecrîdê ya Îmraliyê bi dawî nebe, dê siberoja me di xetereyê de be."
Meşvanên Azadiyê ku gihaştin Nisêbînê, çûn serdana girtî Omer Kiliç yê 30 sal şûnde ji girtîgehê derket.
Parlamenterên DEM Partiyê ji bo hevdîtina lezgîn a bi RêberêPKK'ê Abdullah Ocalan re bikin banga civîna lezgîn li ÎHÎK’ê kiribûn. ÎHÎK bi bersiva ku ji bo civînê hejmar têrê nake û ne pêkan e ku civîn pêk were, da.
Meşvanên Azadiyê li Nisêbînê çûn serdana gora zanayê kurd Musa Anter.
Meşvanên Azadiyê li Dêrsimê çûn serdana Gola Çeto, Ana Fatma û Zinarên 38’ê û ji bo azadiya Rêberê PKK’ê Abdullah Ocalan loqme belav kirin û çira vêxistin.
Di doza 49 endamên OHD û TUAD’ê de “Şahidê nepen” bersiva pirsên parêzeran neda. Parêzer Emrah Baran got ku “Şahidê nepen” îfadeyên ji hêla polîsan ve hatiye amadekirin dixwîne û gotinên wî hev nagirin.
Parlamentera DEM Partiyê Pervîn Buldan di Nobeta Edaletê ya Wanê de axivî û wiha got: “Dê demokrasî, aştî û azadî bi saya têkoşîna dayikên me bê vî welatî.”
Parlamenterê DEM Partiyê Mehmet Ruştu Tiryakî yê di civîna çapemeniyê ya têkildarî parêzerên ÇHD’î yên piştî pevçûna beriya du rojan li ber Edliyeya Çaglayên derket hatin binçavkirin de axivî, got ku “Her yek ji wan serfirazên vî welatî ne” û xwest parêzer werin berdan.
Siyasetmedar Zeynep Karaman di Doza Kobanê de parastina xwe kir û bal kişand ser hincetên ji hêla îktîdarê ve ji bo rewakirina zextên li ser siyaseta demokratîk û siyasetmedarên kurd û îllegalîzekirina wan û wiha got: “Dema mijara behsa xeberê bû kurd, êdî her tişt jê re rewa tê dîtin.”
Baskê “Meşa Mezin a Azadiyê” yê Qersê di roja 8’an de gihişt Dêrsimê û Sakîne Cansiz û Aysel Dogan li ser gorên wan bi bîr anîn.
Plaforma Elewiyan a Edeneyê qurbaniyên erdhejê li Edeneyê bi bîr anî.
Gelê Nisêbînê, Meşvanên Azadiyê yên gihiştin navçeya wan bi hezkirineke zêde pêşwazîkirin. Namzetê Hevşaredariyê yê Bajarê Mezin ê Mêrdînê yê DEM Partiyê Ahmet Turk ê di nava kesên meş pêşwazîkirin de cih girt, wiha got: “Birêz Ocalan ji bo aştiya Rojhilata Navîn aqileke, mamosteyeke, navnîşana çareseriyê ye.
Serokê Dadgeha Destûra Bingehîn (AYM) Zuhtu Arslan di torena ku Erdogan û Serokê Dadgeha Bilind Mehmet Akarca tevli bûbûn de axivî û wiha got: “Dibe ku hûn biryarên Dadgeha Destûra Bingehîn neecibînin an jî tev li nebin. Lê li dewletên hiqûqê de her kes mecbûr e bi van biryaran bike.”
Têkildarî êrişa li dijî noxteya polîsan a li Edliyeya Stenbolê, lêpirsîn hate destpêkirin û bi heman hincetê 93 kes hatin binçavkirin. Hat destnîşankirin ku kesên hatine binçavkirin rastî muameleya xirab a polîsan hatine.
Kesên di “Meşa Mezin a Azadiyê” de cih digirin li bajarên Mazlum Dogan, Mehmet Hayrî Durmuş, Mehmet Tunç û Asya Yuksel bi coşeke mezin hatin pêşwazîkirin. Di pêşwazîkirinan de kêliyên hestiyar hatin jiyîn û peyamên berxwedanê derketin pêş.