Meşvanên Azadiyê bi gelê Qoserê re bi daxwaza azadiya Ocalan meşiyan. Hevserokê DBP’ê Keskîn Bayindir ji gelê Qoserê re wiha got: “Werin em bibin milyon û jiyana azad û wekhev ava bikin.”
Meşvanên Azadiyê yên li Mêrdînê serdana malbata Bûbo Taş ê ku ji bo tecrîda li Îmraliyê şermezar bike xwe şewitand, kirin. Keça Taş, Havva Taş, wiha got: “Azadî dê ji bo me hemûyan were.”
Ji 96 kesên ji ber êrişa Edliyeya Stenbolê hatibûn binçavkirin, 54 kes hatin girtin.
Çiyayê Gabarê ji bo 15 rojan weke “herêma ewlehiya taybet” hate îlankirin û ji bo 15 rojan ji ketinê re hate qedexekirin.
Namzetên Hevşaredariyê yên navçeya Hawêl a Sêrtê Şefîk Gunel û Sumeyye Karasû diyar kirin ku ew ê paradîgmaya azadiya jinê esas bigirin û gotin: "Heke em di vê hilbijartinê de bi ser bikevin, em ê feraseta xizmetkirinê li gelê xwe vegerînin û bi vê feraseta xizmetê gelê xwe bi pêş ve bibin."
Rojnameger Silêman Ehmed di 25’ê cotmehê de ji hêla asayîşa PDK’ê ve hate revandin û 109 roj in tu agahî jê nayên girtin.
Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd bi rêyên demokratîk daye destpêkirin di roja 76’an de berdewam dike.
Nûnera ÇHD’ê ya Enqereyê Parêzer Ceren Yilmazê tecrîd wek “polîtîkaya îmhakirinê” bi nav kir û got ku li şûna ku guh bidin girtiyên di greva birçîbûnê de, cezayên disîplînê li wan dibirin. Yilmazê da xuyakirin ku gava ku mesele dibe Îmrali, mewzuat nayê cîbicîkirin.
Dadgeha Cezayê Giran a 4'emîn a Amedê diyar kir ku "cihgirtina di organên KCD'ê de" bi tena serê xwe wekî "endamtiya rêxistinê" nayê nirxandin û der barê Cabbar Laygara, Edîp Yaşar û Cafer Kan da biryara beraetê da.
Zîlan Leventoglûyê, parêzera parlamentera HDP'ê ya berê Huda Kayayê ku bi hinceta "gumana revê" hat girtin, diyar kir ku lêpirsîn ji destpêkê ve nehiqûqî ye û got ku biryara girtinê biryareke siyasî ye.
Parêzerê OHD'ê Veysî Guneş diyar kir ku komploya navneteweyî û tecrîda li Îmraliyê bi têkoşîna gelê Kurd hatiye pûçkirin û destnîşan kir ku tekane misogeriya azadiya Abdullah Ocalan jî têkoşîna gel e.
‘Meşa Dirêj’ ku ew ê di 25’emîn salvegera komploya navneteweyî de bê kirin û heta 25 rojan berdewam bike, nûnerên saziyên civîl ku ew ê beşdarî wê meşê bibin, gotin ku azadî di felsefeya Abdullah Ocalan de ye û bangawaziya beşdariya li meşa 17’ê Sibatê kirin.
Ciwanê bi navê Serhat Baykara ku duh şev di serdegirtina malê de hatibû binçavkirin, hat girtin.
Endamê MYK'ê yê SGDF'ê Muslum Koyûn ê li Eskîşehîrê di serdegirtina polîsan de hate binçavkirin, hat girtin. Hat diyarkirin ku Koyûn ê ku di serdegirtinê de rastî îşkenceyê hat û li nexweşxaneya ku ji bo tedawiyê rakirine ji ser hişê xwe çû.