Ji bo "Mitînga Azadî û Demokrasiyê" dê ji 39 navçeyên Stenbolê bi wesayîtan welatî bên veguhastin. Rêvebera DEM Partiyê yê Rêxistina Stenbolê Ekîm Devrîm Çapartaşê got: "Em bang li hemû gelê xwe dikin ku di 25'ê Sibatê de li Qada Esenyurtê xwedî li mîtînga azadiyê derkevin."
Mîraç Çerçel ê ku qeyûmê Şaredariya Êlihê bi hinceta "veguherîna bajêr" dixwaze wî ji mala wî derxe, anî ziman ku bi pereyê ku qeyûm dixwaze ji bo xaniyê wî yê duqatî û dikana wî bide, nikare axurekî jî çêbike.
Parlamentera Partiya Çep a Swêdê Ann Jessica Therese Karlqvist anî ziman ku divê pozîsyona Rêberê PKK'ê Abdullah Ocalan a di çareseriyê de baş bê fêmkirin û got: "Dê bi çareseriyê her kes bi ser bikeve. Lewma divê em hemû israrker bin."
Der barê Dayikên\Mirovên Şemiyê de bi sedema çalakiya hefteya 950’emîn biryara darizandinê hat dayîn. Danişîna ewil wê di 27’ê Sibatê de li 39’emîn Dadgeha Cezaya Asliyeyê ya Stenbolê bê lidarxistin
DEM Partiyê li navçeya Xana Hawêl û bajaroka Ziyaretê buroyên hilbijartinê vekir.
Berdevka DEM PArtiyê Ayşegul Dogan ku namzetên hevşaredariyê yên 6 şaredariyên bajarê mezin eşkere kir, got: “Hewldana me ne ji bo hin kes bi ser bikevin an jî bi bin bikevin, hewldana me ew e ku gel bi ser bikevin. Em bang li kesên ku bi veguhastina hilbijêran dixwazin pergala qeyûmtiyê bidomînin dikin; hûn ê bi ser nekevin."
Malbatên girtiyan di Nobeta Edaletê de ku bal hate kişandin ser rewşa girtiyên di çalakiya greva birçîbûnê de wiha gotin: “Li dijî zilma desthilatê dê têkoşîna me bidome.”
AYM’ê ji bo serlêdanên CHP û parêzerên Can Atalay biryareke nû da. Lijneya Giştî biryar da ku ji bo her du serlêdanan jî cihê biryarê nîne.
Di doza Fatîh Haral ê ji ber gefxwarina li Serokê Baroya Amedê Nahît Eren û malbata wî tê darizandin de, dadgehê biryar da ku ji bo daxwaza berfirehkirina dosyayê der heqê aqûbetên giliyên sûc ên berê de agahî bê xwestin.
Danişîna doza Hevseroka Giştî ya HDP’ê ya berê û 7 parlamenteran hat taloqkirin.
Li navçeya Geverê bi deh hezaran kes tev li vekirina buroya hilbijartinê bûn. Hevserokê Giştî yê DEM Partiyê Tuncer Bakirhan li vir axivî û wiha got: “Xelkê Geverê dê li ser sidoqê dersa pêwîst bide wan kesên li Enqereyê dibin gur û tên vê derê dibin kurd.”
Koordînasyona Şopandinê ya Grevên Birçîbûnê ku têkildarî girtîgehên Serhed û Behrareş rapor aşkere kir, da zanîn ku li girtîgehên çalakiya greva birçîbûnê lê berdewam dikin binpêkirinên mafan zêde bûne û ji bo tecrîd demildest bê rakirin bang li Wezareta Dadê û Meclisê kir.
Rojnameger Derya Ren piştî girtinê ji bo kontrola tenduristiyê birin nexweşxaneyê û li vir muayeneya destkelemçekirî lê hat ferzkirin. Rojnameger Ren jî derheqê polîsan de serlêdana sûc kir. Dozgeriyê ji bo serlêdanê biryara neşopandinê da.
Danişîna doza rojnameger Pelîn Ozkaptan hat lidarxistin. Danişîna dozê ji bo amadekirina mutalaayê hat taloqkirin.