TÛAY-DER Çûkûrova, ragihand ku li 2 girtîgehan 3 girtiyên di greva birçîbûnê de sirgûnî girtîgehên cuda hatine girtin û înfaza Mehmet Darga yê 32 sal in girtiye hatiye şewitandin û ew xistine hucreya yekkesî.
Nobetên Edaletê ku bi daxwaza azadiya fîzîkî ya Rêberê PKK’ê Abdullah Ocalan hatine destpêkirin didomin. Serdan û beşdaran diyar kirin ku heta encamekî bi dest dixin dê çalakiya xwe bidomînin.
Hewldana Edaletê ya ji bo Roboskê bi boneya meha 146’emîn a komkujiyê daxuyanî da û wiha got: “Komkujiya Roboskê, her wiha destpêka qonaxa polîtîkayên faşîst e ku em niha dijîn.”
Hevseroka Giştî ya DEM Partiyê di çarçoveya xebatên hilbijartinê de li Qûbîn e bû. Hatîmogûllari, bi bîr xist ku salvegera Mitabeqeta Dolmabahçeyê ye û wiha got: “Sedema pirsgirêka demokrasiyê ya niha, neçareserkirina pirsgirêka kurd e.”
Nûçegihana PÎRHA’yê Fatoş Sarikaya bertek nîşanî girtina rojnameger Dîren Keser da û wiha got: “Em ji bo Dîrenê li vir in. Em ê xwe birêxistin bikin û alaya têkoşînê bilindtir bikin.”
4 kesên duh di serdegirtinên serê sibê yên malan de hatibûn binçavkirin, hatin girtin.
Li çoltarê Çiyayê Bagokê operasyona leşkerî hate destpêkirin.
Endamên Delegasyona Hiqûqnasên Navneteweyî ya li Dijî Tecrîdê têkildarî tecrîda li Îmraliyê li Amedê dest bi serdanên xwe kirin.
Rêxistina ESP’ê ya Edeneyê bertek nîşanî binçavkirina 12 ciwanên sosyalîst da û wiha got: “Me tu caran serî li ber êrişên faşîst netewand û dê netewînin. Em ê bi ser kevin, dê gelê me bi ser keve. Bila binçavkirî bên berdan.”
AKP’a ku şano û konserên kurdî qedexe dike, strana hunermend Xelîl Xemgîn a bi navê “Sebra Dila” bêdestûr di xebatên hilbijartinê de bikaranî.
Di nava 24 saetên dawî de 8 jin ji hêla mêran ve hatin qetilkirin. KCDP’ê ji bo çalakiyan bangî tevahiya jinan kir.
Hêzên rejîma Îranê kolberê kurd ê bi navê Kawan Mecîdî qetil kir.
Dewleta tirk li bajarê Dêrikê yê Bakur û Rojhilatê Sûriyeyê 4 wesayît bombebaran kir.
12 jinên li Girtîgeha Jinan a Sîncanê tên ragirtin, îşaret kirin ku tedawiya wan tê astengkirin û binpêkirinên mafên tenduristiyê yên dijîn vegot.
Nûnerên DFG û TGS’ê ji bo Hevseroka DFG’ê Dîcle Muftuoglû ku 10 meh in girtî ye sibe danişîna wê tê lidarxistina banga tevlibûnê kirin û wiha gotin: "Ev danişîn ne tenê ji hêla rojnamegeran ve, ji bo civakê jî girîng e. Ji ber ku Dîcleyê mafê agahîgirtinê yê civakê parast.”