Şaredariya Peyasê di bin rêveberiya qeyûm de ye û di îhaleya îhaleya mucurê de nelirêtiyeke mezin hatiye kirin. Li gorî agahiyan, kamyonên mucurbarkirî gelek caran hatine kêşandin, mucura li rêyan nehatiye rêtin weke ku hatibin rêtin hatiye nîşandan û fatûre hatine birîn. Ji ber nelirêtiyê, Midûrê Karên Fenê ji peywirê hate dûrxistin.
Li Nisêbînê polîsan tundî li Nurullah S., kiribûn. Dozgeriya ku lêpirsîna derbarê polîsan de dabû destpêkirin bi biryara neşopandinê lêpirsîn bi dawî kir.
Miduriyeta Tenduristiyê ya Enqereyê ji daxwaznameya rojnamegera girtî Ceylan Şahînlî ya rastî muayeneya bikelemçe hat re ev bersiv da: “Heke bijîşk bixwaze dikare veke.”
Cezayê ku bi îdiaya “propagandaya rêxistinê” li rojnameger Mehmet Guleş hatibû birîn, ji hêla Dadgeha Bilind ve hate xerakirin. Li ser vê yekê Guleş dîsa hate darizandin û salek û 9 meh û 25 roj cezayê hefsê lê hate birîn.
YNK’ê bersiv da gotina “xiyanetê” ya Mesrûr Barzanî û wiha got: “Xakfiroş ew in ên zêdetirî sed baregehên leşkerên Tirkiyeyê anîne sînorên parêzgeha Hewlêr û Dihokê.”
Parlamenterê HDP’ê yê berê Îdrîs Balûken diyar kir ku erk û berpirsyartiyên wî zêdetir bûne û wiha got: “Li şûna gotinên reşbîn û neçareseriyê, pêdivî bi bi ziman û gotinên nû yên aştiyê heye ku bi kêrî çareseriyê bên.”
Rêveberiya Xweser ji bo çareseriyeke aştiyane û demokratîk li Sûriyeyê, însiyatîfa çareserkirina aloziya Sûriyeyê ragihand. Rêveberiyê bang li hikûmeta Şamê jî kir ku helwesteke berpirsyar nîşan bide.
Di doza Erhan Gorur ê bi guleya leşkeran hat kuştin de, tenê 6 sal û 8 meh ceza li leşkerê bersûc hat birîn.
Dadgehê bi îdiaya “propaganda rêxistinê” salek û 6 meh û 22 roj cezayê girtîgehê li Midûrê Karên Nivîsan ê rojnameya Azadiya Welat a bi KHK’ê hat girtin Îsmaîl Çoban birî.
Jina ciwan a bi navê Zehra Bayir li navçeya Mîlasê ji hêla Îlîmder û Omer Îlter ve hatibû qetilkirin. Îdianameya têkildarî dozê hate amadekirin û ji bo her du birayan cezayê muebbetê hate xwestin.
Hevberdevkê HDK’ê û Namzetê Parlamenteriyê yê Partiya Çepên Kesk Cengîz Çîçek diyar kir ku li Stenbolê wê encamên hilbijartinê çarenûsa Tirkiyeyê û Kurdistanê diyar bike û got: “Me di 31’ê Adarê de hejand û leqand, em ê di 14’ê Gulanê de hilweşînin.”
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 2 salan zêdetire tu agahî jê nayên girtin, dîsa serî li Serdozgeriya Komarê ya Bursayê û Midûriyeta Girtîgeha Îmraliyê dan.
Ji parêzerên Hiqûqnasên ji bo Demokrasiyê Îlke Işik diyar kir ku têkildarî ewlehiya sindoqan fikarên wan hene û wiha bang li parêzeran kir: “Werin em xwe birêxistin bikin û pêşî li ber bêhiqûqtiyên di hilbijartinan de bigirin.”
Maxdûrê erdhejê Emîn Durmaz ku li navenda Semsûrê di konbajar de dijî bi lêv kir ku bi rojan alîkariya wan nehatiye kirin û wiha bertek nîşan da: "Ez bi xwe heqê xwe helal nakim. Lê me wan li ser serê xwe mezin kir, heke me deng nedana wisa nedibû. Êdî divê kes dengê xwe nede desthilatê."
Endamê Komîteya Rêveber a PKK’ê Duran Kalkan got ku Erdogan hemû kesî li ser ‘têkiliya bi PKK’ê re’ tawanbar dike û wiha got: “Yê herî zêde bi PKK’ê re hevdîtin kirî jî Erdogan e.”