Nûnerên saziyên sivîl û partiyên siyasî êrişa leşkeran a li dijî wesayîta anonsê ya Partiya Çepên Kesk şermezar kirin û gotin: "Dê îktidar biçin, hûnê neçar bimînin hesab bidin.”
Girtiyê nexweş ê giran Eyûp Kodîn ku 3 mehan înfaza wî hate taloqkirin û li gel ku di rewşa wî de ti guherîn nebû jî dîsa birin girtîgehê wiha got: “Bi zorê kelemçe kirin, li wesayita leşkerî siwar kirin û ez birim girtîgehê. Ambulans jî nedan min.”
Ji 3 ciwanên ketin Çemê Munzurê û winda bûyîn cenazeyê Baran Aslantaş hate dîtin.
Ciwanê ku li navçeya Basayê kete Çemê Dîcleyê, piştî ku avê ew bir winda bû.
Dayikên Şemiyê ku dixwestin aqûbeta windakiriyan bipirsin, rastî êrişa polîsan hatin. ÎHD’ê êrişa li dijî Dayikên Şemiyê protesto kir û bang kir ku li gorî biryara “binpêkirinê” ya AYM’ê bê tevgerîn.
Rêxistina Partiya Çepên Kesk a Semsûrê, li ser hesaba xwe ya medyaya dîjîtal ragihand ku ew dê welatiyên Semsûrê yên derveyî bajêr bi otobûsan bînin bajêr û bang li hilbijêran kirin ku bi wan re bikevin têkiliyê.
Namzetê AKP’ê yê Êlihê Ferhat Nasiroglû, ji gelek navnîşanan re qartên bi bihayê hezar lîre şandin û deng xwestin.
Namzetê parlamenteriyê yê Partiya Çepên Kesk ê Stenbolê Cengîz Çîçek di mitînga Esenyurtê de axivî û wiha got: “Hinek biisrar vê sedsalê weke ‘sedsala bêkurd’ pênase dikin. Em li vir bang dikin; ev sedsal dê bibe sedsala kurdan. AKP dê di vê sedsalê de tune be.”
Hate diyarkirin ku namzetê parlamenteriyê yê AKP’ê Galîp Ensarîoglû ku li bajêr eleqeya dixwaze nabîne, bi soza îhaleyan ji karsazan, bi soza kar jî ji welatiyan deng dixwaze.
Tevî biryara “binpêkirinê” ya AYM’ê jî dorpêça li ser Qada Galatasarayê didome. Dayikên Şemiyê û parastvanên mafan ên dixwestin li qadê daxuyaniyê bidin rastî êrişa polîsan hatin. Di encamê de 23 kes hatin binçavkirin.
Bi Biryarên Serokkomariyê re li bajarên Meletî, Hatay û Dîlokê ku di erdhejên Mereşê de bi dehhezaran mal lê hilweşiya bûn, 4 qad weke herêmên pîşesaziyê hatin diyarkirin.
Xizmên Windakiriyan di çalakiya vê hefteyê de li aqûbeta Mehmetcan Ayşîn ê di sala 1994’an de hat windakirin û carek din agahî jê nehat girtin pirsîn.
Malbata stranbêj Cîhan Aymaz ê li Kadikoyê hat kuştin destnîşan kir ku lawê wan ji ber bi kurdî stran gotiye hatiye kuştin û bi gotinên “êrişkar serxweşiy bûye” tê xwestin ku ser cînayetê bigirin.
9’emîn Dadgeha Cezayên Giran a Amedê di biryara xwe ya bihincet de şexsiyet, fikr û ramanên Berdevka TJA’yê Ayşe Gokkan hedef girt û ev şîroveye kir: “Her tim karê nepêwîst ê Sîsîfos dubare dike.”
Qeymeqamê Mîdyadê Ahmet Solmaz ê propagandaya xwe ya AKP’ê didomîne bi gotina “Hûn bi HDP’iyan re li heman cihî bin wê nêzîkatiya me cuda be” gef li muxtaran xwar.