Serokê YSK'ê Ahmet Yener, daxuyand ku heya niha ji sedî 99.43'yê sindoqan hatiye vekirin û got: "Li gor encamên heyî Tayyîp Erdogan ji sedî 52.14 û Kemal Kiliçdaroglû jî ji sedî 47.86'ê rayan wergirtiye."
Hêzên paramîlîter ên girêdayî Tirkiyeyê li Efrînê serketina Erdogan a di hilbijartinên serokkomariyê de bi gulereşandinê pîroz kirin. Di gulereşandinê de zarokek hat qetilkirin û hin kesên din birîndar bûn.
Li 3 girtîgehên AMedê tenê 32 kesan ray da Erdogan.
Li Wanê cerdevan Zabit Kassap, bi keleşkofê bera mala rêveberê DBP'ê yê Wanê Hamdûllah Kûmlî da.
Serokê YSK’ê Ahmet Yener daxuyand ku bi giştî li hundir û derveyî welat ji sedî 75,42 sindoq hatine vekirin.
Serokê YSK’ê Ahmet Yener diyar kir ku ji sedî 54,60’ê dengan hatine hejmartin.
Li gundê Roboskiyê Kemal Kiliçdaroglû 479 ray û Erdogan jî 90 ray girtin.
YSK’ê diyar kir ku heta niha ji sedî 25’ê daneyan ji wan re hatine şandin.
Ajansa Anadolûyê bi rakirina qedexeya weşanê re li gorî encamên ewil namzetê Tifaqa Cumhur Tayyîp Erdogan bi rêjeya ji sedî 58 eşkere kir.
Li girtîgehên Şirnex û Mêrdînê namzetê Tifaqa Milet Kemal Kiliçdaroglû ferq avêt namzetê Tifaqa Cûmhûr Erdogan.
Li gundê Sîsê yê navçeya Licê ku operasyon tu carî jê kêm nabin, ji bo Erdogan tenê yek deng jî derneket.
Endamên Cemaeta Îsmaîlaga ku ji ber doza tecawiza li zarokê hatiye kirin di rojevê de ye, pol bi pol geriyan û bi rêya weazî ji bo AKP’ê deng xwestin. Endamên cemaetê ji jinên bertek nîşan dayîn ev gef xwarin: “Hûn dê hînî me bibin.”
Li Stenbola ku tevahiya rojê binpêkirinên hilbijartinê berdewam kir AKP’iyan rojnamevanek derb kir, polîsan jî temaşe kir.
Endam û rêveberên AKP’ê li navçeya Artûklûyê di şûna hilbijêrên neçûn ser sindoqan de rayên bi komî bikar anîn.