Duh di saetên êvarê de li dijî gundê Tilora, Memkava, Mûşan û Yêkmalê yên Geverê operasyona leşkerî hate destpêkirin. Hat zanîn ku piştî operasyonê li herêmên navborî şerekî dijwar dest pê kiriye.
Li Girtîgeha Ewlehiya Bilind a Antalyayê girtiyan ji bo hewa bikeve hundir têlên bi paceyên qawişê ve ji hev ve kirin. Derbarê girtiyên têl ji hev ve kirin de bi îdiaya “zirar daye malê cemaweriyê” doz hate vekirin.
Di çarçoveya operasyona “îşkence, ezyat, zimet û hîleya di îhaleyê de” li 8 bajaran 22 xebatkarên girtîgehan hatin binçavkirin.
Dema girtiyên li Girtîgeha Jinan a Sîncanê di navbera xwe de bi kurdî diaxiviyan, fermandareka jin zexta “bi tirkî biaxivin” lê kir. Girtiyan, li dijî binpêkirinan banga hestiyariyê kirin.
Siyasetmedar Abdullah Demîrbaş ê di sedsaliya Peymana Lozanê de qala girîngiya yekitiya kurdan kir, wiha got: “Divê em li dora berjewendiyên neteweyî bibin yek û tifaqa xwe ya siyasî ava bikin.”
Penaber di her qadên jiyanê de rastî êrişan tên. Ji Baroya Rihayê Kubra Vefa diyar kir ku ji ber ku bi qanûnan nayê kirin lewma pirsgirêk derdikevin.
Hevseroka TUHAY-DER a Wanê Edîbe Babûr, diyar kir ku pêdiviya gelan bi Rêberê PKK'ê Abdullah Ocalan heye û ji bo berxwedana li dijî tecrîdê bang kir.
- Li Dîlokê tir, mînîbus û otomobîlek li hev ket. Di qezayê de 3 kes mirin û 5 kes jî birîndar bûn. Li Colemêrgê jî mînîbusek û motorsiklêtek li hev qelibîn. Di qezayê de ajovanê motorsiklêtê mir.
Li navçeya Goksûn a Mereşê bi pileya 4.7'an erdhej çêbû.
Li Elkê ji 7 kesên ku hatibûn binçavkirin, 3 kes hatin girtin.
Înan Demîr ê ku tevlî merasîma cenazeyê Mîr Perwer bû, hat girtin. Heya niha 12 kes ji ber ku tevlî merasîma cenazeyê Perwerê li Parîsê hat qetilkirin bûne, hatine girtin.
Ji ber roja 800'emîn a Nobeda Edaletê, der barê Emîne Şenyaşar û 4 kesên piştgiirya wê kirin de lêpirsîn hat detspêkirin.
AYM’ê daxwaza bloqekirina hesabên HDP’ê ya Serdozgerê Komarê yê Dadgeha Bilind red kir.
Platforma Ked û Demokrasiyê ya Bedlîsê ku banga îstîfayê li Şaredarê Tetwanê yê AKP’î kir, êrişa li dijî rojnamevan Sînan Aygul hate kirin şermezar kir.