TUAY-DER’a Amedê 2’yemîn Kongreya xwe ya Asayî li dar xist. Di kongreyê de bal kişandin ser tecrîda li Îmraliyê û wiha hat gotin: “Divê ji niha pê ve rojeva me ya sereke tecrîda li ser birêz Ocalan be.”
Serokê Şaxa ÎHD’a Edeneyê Yakûp Ataş ê bertek nîşanî astengkirina Dayikên Şemiyê da, xwest ku dawî li qedexeya Qada Galatasarayê bê anîn.
Dayikên Şemiyê xwestin li Qada Galatasarayê çalakiya xwe berdewam bikin. Polîsan tevî biryarên binpêkirinê yên AYM’ê jî dîsa êriş kirin rojnamevan û parlamenter derb kirin û 28 Dayikên Şemiyê û parêzvanên mafên mirovan kirin binçavan.
Xizmên Windayan û ÎHD’a Amedê vê hefteyê li kujerên Ramazan Yuce yê 31 sal berê hat qetilkirin pirsîn.
Rêxistina Efûyê ya Navneteweyî, ji bo 7 kesên ku bi hinceta li Rojhilat û Îranê beşdarî serhildan 'Jin, Jiyan, Azadî' bûne cezayê darvekirinê li wan hatine birîn, bang kir.
Rojnamevanê girtî Zeynel Bûlût, diyar kir ku girtî Mehmet Şerîf Demîrtaş û Suleyman Aslan ên ji bo tedawiya diranan sewqî nexweşxaneyê hatin kirin ji ber mûayeneya bikelemçe qebûl nekirin nehatin tedawîkirin.
Malbata Şenyaşar a ku 824 roj in Nobeda Edaletê didomîne got: “Têkoşîna daye li dijî xerab û bêedaletiyê berxwedanek bêtundî ye. Berxwedana dayê ya bibiryardar wê edaletê bîne welat.”
Rojnamevan Vecîh Cuzdan diyar kir ku rastiya li qadê nîşan dide ku hevdîtinên Astanayê ne çare ye û destnîşan kir ku ne Amerîka ne Rûsya dê muzakereyên di navbera Şam û kurdan de çareseriyê diyar bikin.
Li Dîlokê di bûyereke trafîkê de 6 kesan jiyana ji dest dan û kesek jî bi giranî birîndar bû.
Cîgirê Serokê Baroya Amedê Mehdî Ozdemîr diyar kir ku biryara berdana 3 polîsên ku di lêpirsîna îşkenceya li Licê ya li dijî Y.D. ê 14 salî de hatibûn girtin ne hiqûqî ye û wiha got: “Di hemû dosyeyên ku leşker û polîs tên darizandin de darizandinek cihê tê kirin.”
Hevserokê HDP'ê yê Tekîrdagê Cahît Dîrek diyar kir ku li Tekîrdagê operasyonên li dijî HDP'ê û HDK'ê bi awayekî sîstematîk pêk tên û herî kêm 100 endam û rêveberên wan girtî ne û ew ê li dijî zextan paşve gavan neavêjin.
Rojbîn Şahîn a hevjîna rojnamevan Mehmet Şahîn ê ku girtî ye diyar kir ku bi guhertina midûrê Girtîgeha Amedê ya Jimara 2’yan a Ewlehiya Bilind re binpêkirinên li girtîgehê jî zêde bûne.
Li Şirnex û navçeyên wê ji ber hejmara zêde ya birîna sînyalê, endezyar nikarin cîhanên xwe yên pîvandina erd bi kar bînin û di mijara şebekeyê de jî welatî zehmetiyan dikêşin. Endezyarê Nexşeyê Salih Basan diyar kir ku ji ber van amûran nikarin bixebitin û tevî hewldanên wan jî pirsgirêk nayê çareserkirin.
Înfaza cezayê Aysel Tûglûk ku ji ber nexweşîna demansê hatibû berdan, bi rapora "nikare bi tena serê xwe bijî" ya ATK'ê saleke din jî hat taloqkirin.