Di rûniştinên dawin ên Komxebata Lozanê de, hat destnîşankirin ku mirov bi projeya neteweya demokratîk dikare ji heqê Peymana Lozanê derkeve û wiha hat gotin: “Çeka me ya nû, neteweya demokratîk e.”
Parlamenterê Partiya Çepên Kesk Ferît Şenyaşar ragihand ku ger di danişîna 18’ê Tîrmehê de biryareke adilane neyê dayîn, dê nobeta edaletê bibin Enqereyê.
OHD, Baroya Amedê, ÎHD û TUAY-DER’ê têkildarî girtîgehên kampûsê ya Amedê raporek amade kir. Di raporê de hat gotin ku ji sirgûnan heta îzolasyon, tecrîd, lêgerîna tazî û astengkirina mafê tenduristiyê gelek binpêkirin hatine tespîtkirin.
Piştî ku hevşaredarên Panosê Emrah Kiliç û Mûşerref Geçer hatin girtin, meclisa şaredariyê ji bo hilbijartinê kom bû û endamê Meclisê yê HDP’î Şahîn Savci wek hevşaredar hilbijart.
Hevserokatiya Konseya Rêveber a KCK'ê ji bo Mazlûm Dag û Abdurrahman Er ên ku ev nêzî 2 meh in li dijî pêkanînên dijmirovî yên li girtîgeha Hewlêrê di greva birçîbûnê de ne bang li her kesî kir ku bikeve nava tevgerê.
Hevsrokê Giştî yê ÎHD’ê Ozturk Turkdogan di Nobeda Aştiyê ya ÎHD’ê de axivî û bal kişand ser pirsgirêka kurd û got: “8 sal in şerekî bênavber didome. Her çiqas îktidar bêje şer jî em ê bêjin aştî.”
Ji navçeya Çelê ya li ser sînorê Herêma Federe ya Kurdistanê ber bi baregehên leşkerî û qereqolan ve sewqiyateke mezin a leşker û teçhîzatên leşkerî hate kirin.
Parlamenterê Partiya Çepên Kesk Yilmaz Hun da zanîn ku di nava 10 salan de li Îdîrê bûyerên penceşêrê ji sedî 100 zêde bûne lê ne beşa onkolojiyê û ne jî bijîşkê wê heye.
Qedexeya derketina kolanan a li navçeya Xîzanê piştî 5 rojan hate rakirin.
Kesên di bîranîna Komkujiya Madimakê de hatin binçavkirin diyar kirin ku destên wan ji pişt ve hatine kelemçekirin, rastî tundiya fîzîkî hatin, lêgerîna tazî û sîxûrtî lê hatiye ferzkirin.
Endamê HPG’ê Kahraman Karataş ku di encama pevçûneke li Bestayê de jiyana xwe ji dest dabû, hate definkirin.
Malbata Şenyaşar di roja 837’emîn a Nobeta Edaletê de ev peyam da: “5 sal derbas bûn. Tevî ku parêzbendiya kesê komkujiya li nexweşxaneyê organîz kirî û nehiştî hêzên ewlekariyê karê xwe bikin rabûye jî çima hêj girtî nîne! Ma ev edalet e?”
Dayika Aştiyê Xemê Akdogan ku tevahiya emrê wê bi têkoşînê derbas bû, li nexweşxaneya lê dihat tedawîkirin jiyana xwe ji dest da.
Malbat û vasiyê Rêberê PKK’ê Abdullah Ocalan û malbatên Omer Hayrî Konar, Hamîlî Yildirim û Veysî Aktaş ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
AYM’ê der barê Bedran Alî Ertugrul de ku beşdarî pîrozbahiya Newrozê bûye û ji wargehê hatiye avêtin biryara binpêkirina maf û razandina tazmînatê da.