Dîroknas Erdogan Aydin diyar kir ku bi Peymana Lozanê ji kurdan re konsepta îmha û înkarê xistin meriyetê û destnîşan kir ku teza “Komara Demokratîk” a Rêberê PKK’ê Abdullah Ocalan çareserî ye.
Bi hezaran kes tev li konsera roja duyemîn a Mîhrîcana Çand û Xwezayê ya Munzurê bûn. Beşdaran xebatên madenvaniyê û qedexeyên walîtiyê protesto kirin.
Li Nisêbînê herêmên çoltar ên 9 gundan weke herêmên ewlehiya taybet hatin îlankirin. Hate ragihandin ku li herêma Bagokê jî operasyon hate destpêkirin.
Barîna barana zêde ya li navçeyên Qelqelî û Seravê yên Wanê bû sedemê rabûna lehiyê. Di lehiyê de xaniyek hilweşiya, zeviyên çandiniyê û sewalan zerar dîtin.
Di Nobeta Aştiyê ya ji aliyê Şaxa ÎHD'ê ya Îzmîrê ve hat organîzekirin de bal hat kişandin ku polîtîkayên şer çawa bûne sedema qetilkirina xwezayê.
Malbata Şenyaşar, di çarçoveya Nobeta Edaletê de bi Serokê TBB’ê Erînç Sagkan re hevdîtin kir.
Bi giliyê DEDAŞ’ê derbarê Midura Karên Nivîsê ya MA’yê Dîren Yûrtsever de biryara girtinê hate derxistin. Yûrtsever, piştî biryarê li Dêrsima çûyê îfade da.
Meclisa Gel û Baweriyan a HDK’ê bertek nîşanî daxwaza dahîlbûna Doza Kobanê ya Diyanetê da û wiha got: “Diyaneta ku daxwaza gel û baweriyan a azadî û wekheviyê bi cih naîne, dest avêtiye darazê. Divê diyanet dest ji hewldanên xwe yên ku bandorê li darazê bike berde.”
Şaxa OHD’a Mêrsînê ji ber îşkenceya li girtiyê nexweş Vahdettîn Erdemcî hatiye kirin, li Serdozgeriya Komarê ya Eregliyê derheqê gardiyanan de serlêdana sûc kir.
HPG’ê di 25’ê tîrmehê de ragihandibû ku Yilmaz Bayram ê HPG’î jiyana xwe ji dest da ye. Medyaya îktîdarê jî ev nûçe îro weke “deqeya dawî” parve kir.
Di çalakiya Nobeta Aştiyê ya ÎHD’ê de hat gotin ku tehliyeya herî kêm 271 girtiyan hatiye astengkirin û hat xwestin ku Lijneyên Rêveberî û Çavdêriyê bê betalkirin.
Li ser Rêya Qesra Îshaq Paşa ya navçeya Bazîdê cenazeyê ciwanekê kuştî hate dîtin.
Platforma Ked û Demokrasiyê ya Rihayê ji bo Fermana 74’an ku 9 sal bi ser re derbas bûn weke “Roja Qirkirina Êzidiyan a Navneteweyî” were qebûlkirin, bang kir.
Komîsyona Girtîgehan a Baroya Agiriyê rapora xwe ya têkildarî Girtîgeha Tîpa L a Panos a Agiriyê parve kir. Baroyê da zanîn ku mafên mirovan ên herî bingehîn tên binpêkirin û tecrîd derxistine asta herî jor.