Navenda Giştî ya DAD’ê destnîşan kir ku avakirina Serokatiya Çand û Cemxaneyê ya Elewî-Bektaşiyê projeya qirkirina çandî ye û wiha got: “Em banga hestiyariya li dijî vê serokatiyê û li dijî daxwazên wê dikin. Em bang dikin ku li dijî vê nêzikatiyê helwest were nîşandan û kesên hewl didin elewîtiyê tune bikin bên teşhîrkirin."
OHD û Baroya Amedê têkildarî guleya ketiye hewadariya Kampûsa Girtîgehên Amedê rapor amade kir û di raporê de hat diyarkirin ku beriya niha jî rewşên bi heman rengî qewimîne û tevî giliyan jî tu kirariyek nehatiye destpêkirin.
ÎHD’ê da zanîn ku ji sala 2021’an heta niha Lijneyên Rêveberî û Çavdêriyê tehliyeya 313 girtiyan asteng kiriye û xwest ku ev rêziknameya li dijî Destûra Bingehîn bên betalkirin.
Berdevkê Wezareta Karên Derve ya Îranê ragihand ku Îran û Iraqê ji bo girtina baregehên hêzên rojhilatê Kurdistanê yên li Herêma Federe ya Kurdistanê lihev kirine.
Bi sedema piştevaniya bi rojnameya Ozgur Gundemê re salek û 3 meh cezayê hefsê li Celalettîn Can hate birîn. Hewldana 78’an a Rihayê bertek nîşanî cezayê li Can hatiye birîn da û xwest ku ev ceza nekeve meriyetê.
HSD’ê li dijî DAIŞ’ê “Operasyona Xurtkirina Ewlehiyê” da destpêkirin û di çarçoveya operasyonê de ketin û derketina ji bajarê Hesekê û navçeyên Şedad û Holê hatin qedexekirin.
Cenazeyê zarokê 17 salî yê bi navê Y.C.Î. li înşaeta sîteyeke navçeya Yildirimê hate dîtin.
Zaroka 15 salî ya li Wargeha Xwedîkirinê ya dewletê dima, ji bo dermankirinê birin klînîkê lê nehat dermankirin. Hat îdiakirin ku dema zarok dibirin Nexweşxaneya Perwerde û Lêkolînê ya Sakaryayê xwe ji ambûlansê avêt û jiyana xwe ji dest da.
Hejmara 193’emîn a rojnameya Xwebûnê ku hefteyê carekê derdikeve, bi manşeta “Aştî Nefesa Gelan e” derket pêşberî xwînerên xwe.
Di şerê li herêmên Zap, Metîna û Avaşînê de leşkerek hate kuştin.
Germa bi ser rêjeya asayî yên demsalê dişikê. Li 7 bajaran dê baraneke zêde bibare.
HSD’ê li çoltarê bajarê Dêrazorê li dijî DAIŞ’ê operasyon da destpêkirin.
Amedsporê li seha xwe di destpêka lîgê de Denîzlîsporê 2-0 têk bir.
Parlamenterê CHP'ê Sezgîn Tanrikulu oku bertek nîşanî zimanên ku di pergala e-reçete ya min de hatine zêdekirin kurdî nîne da û wiha got: "Ev nayê qebûlkirin."