Di serî de dozên Kobanê û Geziyê, 15 rêxistinên civaka sivîl û platforman û 521 kesan li dijî girtin û binçavkirinên neheq dxuyaniyeke hevpar a bi ser navê “Êdî bes e” dan. Di daxuyaniyê de wiha hate gotin: “Mirov bi salan di girtîgehê de tên ragirtin û ji emrê wan tê xwarin. Em ê li dijî vê bêdeng û bêbertek nemînin.”
Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 31 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
MYK’ê Partiya Çepên Kesk bal kişand ser salvegera Komkujiya Gar a Enqereyê û wiha got: “Faîlên herî girîng ên komkujiyê hêj yek gotin nekirin ji hêla hêzên ewlekariyê ve bi operasyonên biguman hatin kuştin. Xuyaye ku dixwazin vê dozê di tariyê de bihêlin.”
104 kesên di Komkujiya Gara Enqereyê ya 10’ê Cotmehê de jiyana xwe ji dest dan li cihê komkujî pêk hat, hatin bibîranîn. Di bîranînê de bal hate kişandin ku dê têkoşîna edaletê bidome. Di ser êrişa bombeyî ya 10’ê Cotmeha 2015’an de ji aliyê DAIŞ’ê ve li Qada Gara Enqereyê li dijî kesên tev li mitînga “Aştî û Demokratiyê” bûn, hate kirin re 8 sal derbas bûn. 104 kesên di komkujiyê de jiyana xwe ji dest dan li cihê hatin qetilkirin hatin bibîranîn.
Endamên nû yên Polîtburo ya YNK’ê diyar bûn. Dr. Xesrew Gul bû cîgirê serok û Seedî Ahmet Pîre jî weke berdevkê partiyê hate hilbijartin.
Li Amedê ji 105 kesên dema protestoyên 9’ê Cotmehê de hatibûn binçavkirin, 104 kes hatin berdan.
Rojnamevanan anî ziman ku Tirkiye di êrişên li ser Bakur û Rojhilatê Sûriyeyê de tişta ku DAIŞ'ê nikaribû bike, dike û gotin ku bêdengiya navneteweyî van êrişan wêrek dike.
Rojnamevan Ciwana Cûma anî ziman ku Tirkiye di êrişên xwe yên li ser Bakur û Rojhilatê Sûriyeyê de sivîlan hedef digire û got ku gelê kurd, tirkmen, suryanî, ereb û çeçen bi yek helwestê li dijî van êrişan radibin.
Girtiyê nexweş Cemal Tanhan nayê berdan. Keça wî Ayşe Tanhan, diyar kir ku bavê wê bi mirinê re rû bi rû ye û xwest bê berdan.
Li Şirnex û navçeyên wê weke hilbijartina herêmî ya 2019’an dîsa deng tên veguhestin. Parlementera Partiya Çepên Kesk Newroz Ûysal der barê mijarê de axivî û got: “Niha hin hêzên diyarker gund bi gund digerin û lîsteyên cerdevanan amade dikin. Divê gelê me navnîşanên xwe kontrol bikin.”
Hevserokên HDP'ê yên Îzmîrê Berna Çelîk û Çinar Altan û Hevserokê HDP'ê ya Bûcayê Nîhat Turk ku hatibûn binçavkirin, hatin girtin.
Li Geverê di 6'ê Cotmehê de 13 kes hatibûn binçavkirin. Ji kesên binçavkirî Bariş Ozçukê 16 salî û 3 ciwan hatin girtin.
QSD'ê bîlançoya roja 4′an a êrişên dewleta tirk ên li ser Bakur û Rojhilatê Sûriyeyê eşkera kir.
Dewleta tirk li gundê Mestûrê yê navçeya Eyn Îsayê 2 zarok bi guleyên obusan qetil kirin.