Berdevkên Hewldana 78’an Celalettîn Can diyar kir ku rewşa wî ya tenduristiyê nebaş dibe û wiha got: “Ji her xetereyeke jiyanî Wezareta Dadê berpirsyar e.”
Dewleta tirk careke din bi balafirên bê mirov û bi çek malek li Wargeha Penaberan ya Mexmûrê bombebaran kir, di êrişê de jinek birîndar bû. Piştî êrişê daxuyaniyek hate dayîn û hate gotin; “Iraqa ku ji bo Filistînê bang dike, ji bo Mexmûrê bêdeng e, ev cihê gumanê ye. Em bang li herkesê dikin ku ji êrişan re bêjin êdî bes e.”
Hat zanîn ku li kursek quranê ya li Şirnexê xwendekar û mamosteyên xwe ji ber xurîniya ketiye laşê wan çûne nexweşxaneyê û bijîşkan teşhîsa gurîbûnê daniye ser wan.
Polîsan bi ser Şaxa PSAKD’ê ya navçeya Sariyerê de girtin. Di serdegirtinên malan ên hemwext hatin kirin de gelek kes hatin binçavkirin.
Malbata Rêberê PKK’ê Abdullah Ocalan û malbatên Omer Hayrî Konar, Hamîlî Yildirim û Veysî Aktaş ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Li Enqereyê parêzerên endamên ÇHD’ê jî di nav de herî kêm 20 kes hatin binçavkirin.
Armîta Garawandî (16) ya ji ber ku serê xwe negirtibû û red kir, bi êrişa Gaşt e Îrşad re rû bi rû ma. Li nexweşxaneyê tedawiya wê didome û hat zanîn ku rewşa wê hê jî krîtîk e.
Balefirek bê mirov û bi çek a Tirkiyeyê Wargeha Mexmûrê bombebaran kir. Di êrişê de jinek birîndar bû.
Li Rihayê otobusa rêwiyan û otomobîlek li hev qelibîn û di encama qezayê de 2 kes mirin û 25 kes jî birîndar bûn.
Ciwanên enternasyonalîst ên li Rihayê bi tundiyê hatibûn binçavkirin, şandin Navenda Paşve Şandinê.
Halîse Aksoy ku hestiyên kurê wê Egît Îpek di hundirê qutiyekê de jê re hatibûn şandin, bi beyanên şahidên eşkere hatibû girtin. Aksoy ku di danişîna yekem de nehat berdan, got: "Tola zarokên min ji min tê stendin."
Bi ser qetilkirina belavkarê Rojnameya Azadiya Welat Kadrî Bagdû re 9 sal derbas bûn, lê di dosyeyê de hê jî tu pêşketin çênebûne. Serlêdana parêzeran a li AYM'ê jî 2 sal in nehatiye bersivandin.
Di şerên li herêmên Zap, Avaşîn û Metînayê de binefser Mûsa Esat Kaya hate kuştin.
Tirkiyeyê ji hewayê vê êriş bir ser gundên Til RIfat û Efrînê.