Di civînên gel ên li Îdir û Agiriyê beriya “Meşa Azadiyê” ya dê di 18’ê mijdarê de ber bi Gemlikê ve bê lidarxistin pêk hatin de tecrîda Îmraliyê hate axaftin. Di civînan de peyama “Heke bi milyonan bimeşin dê tecrîd rabe” hate dayîn û banga tevlibûna meşê hate kirin.
ENQERE - Rêvebera Navenda Giştî ya ÎHD’ê Nûray Çevîrmen xwest girtiyê nexweş Celalettîn Can tavilê bê berdan.
Girtiyê nexweş Kasim Karataş ê ku 32 sal in girtî ye û du caran berdana wî hat astengkirin, got: “Heke tiştek were serê min yanî ez bimirim, îdareya girtîgehê û ÎGK’ê berpirsiyar e.”
Malbatên Windakiriyan di çalakiyên xwe yên li Amed û Êlihê didomînin de aqûbeta Alî Tekdag û Ahmet Yetîşen ên di sala 1994’an de hatin binçavkirin û careke din agahî ji wan nehate wergirtin pirsîn.
Şaxên ÎHD’ê li gelek bajaran daxuyanî dan û piştevaniya xwe ya ji bo Dayikên Şemiyê berdewam kirin.
Dayikên Şemiyê di encama têkoşîna xwe ya bi israr, jinûve ketin Qada Galatasarayê ku ev 5 sal û nîv in li wan hatiye qedexekirin û daxuyanî dan. Malbatên windakiriyan ên aqûbeta Abdulkerîm Yûrtseven, Mîkdat Ozeken û Munur Saritaş pirsîn, qurnefîl danîn meydanê.
Asayîşa PDK'ê Rojnamevan û edîtorê beşa erebî yê ajansa ROJNEWS'ê Silêman Ehmed revand û ev 18 rojin tu agahî ji Ehmed nayê girtin.
Li Şirnexê ketin û derketina 14 herêman hate qedexekirin û herêm ji bo 15 4ojan weke “Herêmên Ewlehiya Taybet” hatin îlankirin.
Parlamenterê EMEP'ê yê Stenbolê Îskender Bayhan, dîmenên vemirandina bi damacanayê ya şewata karkerekê ku di encama teqîneke li Fabrîkaya Demîr Çelîk a Tosyaliyê derketibû, li ser hesabê xwe parve kir û got: "Vaye sedsala Tirkiyeyê: Vaye hevkarê we Tosyali."
Nûnera TÎHV’a Wanê Sevîm Çîçek diyar kir ku li girtîgehan binpêkirinên mafan êdî bûye rewşek rûtîn û got: “Mafên girtiyan ji destê wan hatine girtin. Girtîgeh di hundirê girtîgehê de hatiye avakirin.”
Li Çewlîgê di 6-7’ê mijdarê de di serdegirtina malan de 18 kes hatibûn binçavkirin. Hevserokê HEDEP’ê yê Bongilanê Ubeyîp Ozer jî di nav de 5 kes bi îdiaya “endamtiya rêxistinê” hatin girtin.
Hevserokê Şaxa OHD’a Stenbolê Îshak Demîrel destnîşan kir ku “cezayên disîplînê” yên didin Rêberê PKK’ê Abdullah Ocalan derveyî hiqûqê ne û got: “Divê hiqûqnas fêm bikin ku heya rewşa li Îmraliyê çareser nebe, li Tirkiyeyê tu pirsgirêk çareser nabin.”
Ji îmzevanên deklarasyona "Banga Aştiyê" nivîskar Pakrat Estûkyan diyar kir ku meseleya kurd dê bi polîtîkayên qirkirinê nedome û got ku deklarasyon ji bo çareseriyê gaveke girîng e, lê bi tena serê xwe têr nake.
AYM'ê daxwaza ji bo betalkirina "Qanûna Sansurê" red kiribû. Hevdîroketorê MLSA'yê Bariş Altintaş ku biryara AYM'ê nirxand, got: "Dewleta hiqûqê ji holê rabû û daraz bi temamî ketiye destê zilamekî." Serokê Giştî yê DÎSK Basin-Îş'ê Farûk Eren jî got: "Tevî hemû zextan jî rojnamevan dê bêdeng nemînin."
Rêveberê MED-DER’ê Mazhar Aktaş bertek nîşanî hedefgirtina mamosteya kurdî Mizgîn Yalçin da ku li navçeya Farqînê ya Amedê waneyên kurdî dide, û got ku ew li pişt Mamoste Mizgînê ne, ew neheqiya li wê tê kirin qebûl nakin.