Hevserokê TUAY-DER'ê yê Çûkûrovayê Ergîn Altûntaş diyar kir ku dê Nobeda Edaletê ya ku ji bo piştgiriyê bidin grevên birçîbûnê dane destpêkirin bidomînin û got: “Birêz Abdullah Ocalan xeta sor a vî gelî ye. Divê êdî destwerdan neyê kirin. Ev gel dê ji vê wêdetir qebûl neke."
Gulîstan Aydin ku li nexweşxaneya dewletê ji bo emeliyata çavan 60 hezar TL pere jê hat xwestin, îdia kir ku ji ber ku gotiye ew ê nikaribe bi meaşê xwe yê teqawidbûyînê heqê emeliyatê bide, bijîşk heqaret lê kiriye û personelê ewlehiyê jî ew derxistiye derve. Aydinê giliyê bijîşkê navborî kir.
Hevserokê MED TUHAD-FED'ê Kerem Canpolat diyar kir ku israra di tecrîdê de "israra di şer û bêhiqûqiyê de ye" û got: "Heke tecrîd bê rakirin dê Tirkiye ber bi başbûnê ve biçe."
Biraziyê Rêberê PKK'ê Abdullah Ocalan û parlamenterê HEDEP'ê yê Rihayê Omer Ocalan anî ziman ku piştî erdheja li navçeya Gemlîkê ya Bûrsayê fikarên wan ên der barê tenduristiya Abdullah Ocalan de hê zêdetir bûne û got ku ew dixwazin demildest hevdîtin bi parêzeran û malbatê re pêk bê.
Siyasetmedara girtî Pervîn Odûncû di danişîna doza Kobanê de diyar kir ku dewleta tirk ji bo armancên xwe yên veşartî pêk bîne çeteyên DAIŞ'ê bi kar aniye.
Edîtorê MA'yê Abdûrrahman Gok piştî biryara berdanê, ji girtîgehê derket.
Cenazeyê Cemal Tanhan ê piştî li ber mirinê hate berdan, jiyana xwe ji dest dabû, hate veşartin.
Di qezaya trafîkê ya bi 2 TIR’an li Dêrikê çêbûbû de 21 kesan jiyana xwe ji dest dan. Di danişîna îro ya doza derbarê qezayê de hatiye vekirin de girtiyê bi navê Yûnûs Şatafli jî îro hate berdan.
TUAY-DER’a Wanê bi armanca piştgiriyê bide çalakiya greva birçîbûnê ya li girtîgehan Nobeta Edaletê da destpêkirin. Çalakiyên li Amed, Mêrsîn û Edeneyê jî bi tevlibûnan berdewam dike.
Di bombebarana ya Tirkiyeyê de li bajarokê Bamernê yê Dihokê de, kesek jiyana xwe ji dest da.
Parlamenterê HEDEP’ê Omer Ocalan di civîna gel a Rihayê de, têkildarî grevên birçîbûnê yên di girtîgehan de dom dikin axivî û got: “Girtî ji bo riya çareseriyê balê dikişînin Îmraliyê.”
Di danişîna Doza Pirsûsê de daxwaza guhdarkirina Serokwezîrê berê Ahmet Davûtoglû nehate qebûlkirin. Mehmet Ozkan ê di komkujiyê de lawê xwe winda kir ev pirs kir: “Ji bo ku me ev doz şopand em hatin girtin, derbarê me de lêpirsîn tên destpêkirin. Hûn çi ji me dixwazin?”
Di îdianameya Doza Kobanê de ji bo endamên DAIŞ’ê têgeha “milîtan” hate bikaranîn û ji bo siyasetmedaran jî “endamê/a rêxistina terorê” hate bikaranîn. Siyasetmedar Pervîn Oduncu jî bertek nîşan da û got: “DAIŞ, ji bo armancên Tirkiyeyê yên veşarî tê bikaranîn.”
Girtiyên siyasî bi daxwaza “Ji Abdullah Ocalan re azadî, ji bo pirsgirêka kurd çareserî” dest bi greva birçîbûnê kirin. Bi tevlibûnên nû re hejmara girtîgehên ketine greva birçîbûnê derket 106’an.