Hevberdevkê HDK’ê Cengîz Çîçek bi pêşniyazpirsa pêşkeşî Meclisê kir piştî erdheja li Gemlîkê çêbû, pirsa rewşa Rêberê PKK’ê Abdullah Ocalan ê di bin tecrîda mûtleq de li Girtîgeha Îmraliyê tê ragirtin kir.
Hevseroka Giştî ya HEDEP’ê Tulay Hatîmogûllari çû serdana gora Denîz Poyraz û Cemal Tanhan û wiha got: “Gelê kurd ne li hemberî mirinan ne jî li hemberî girtinan serî natewîne.”
Edîtora MA’yê Dîcle Muftuoglû ku ji ber xebatên xwe yên pîşeyî tê darizandin, di danişîna xwe ya ewil de parastina xwe kir û got: “Di nava sed salê de gelek tişt guherîn lê zexta li ser rojnamegerên kurd qet neguherî.” Hêj parastin neqediyabûn ku şandeya dadgehê ji bo Muftuoglû biryara domandina rewşa girtî da.
Serokkomarê AKP’î Recep Tayyîp Erdogan ê bi artêşeke parastvanan re çû Atînayê, dê bi Serokwezîrê Yewnanîstanê Kiriakos Mîçotakîs ê jê re gotibû: “Ji bo min kesekî wisa tune ye” re hevdîtinê bike.
135 rêxistinên saziyên sivîl ji bo endamên Konseya Navendî ya Yekitiya Bijîşkan a Tirk (TTB) ên bi biryara dadgehê ji peywirê hatin girtin, daxuyaniyeke piştgiriyê parve kirin. Di daxuyaniya hatiye parvekirin de wiha hate gotin: “TTB em in, em li vir in.”
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan ku 33 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Edîtorê Gerçek Gundemê Fûrkan Karabay hat binçavkirin.
Girtiyên di Girtîgeha Ewlehiya Bilind a Eregliya Konyayê de ji bo azadiya fîzîkî ya Rêberê PKK’ê Abdullah Ocalan greva birçîbûnê didomînin û gotin: “Heya em digihijin armanca xwe, dê çalakiya me bidome."
Hevseroka KCD’ê Leyla Guven diyar kir ku di demeke ku tecrîda li Îmraliyê û neçareserkirina pirsgirêka kurd didome de girtî nikarin bêdeng bimînin û wiha got: “Hêj ji girtîgehan darbest derneketin divê her kes tişta ji dest tê bike.”
Ji rojnameger Silêman Ehmed ku ji hêla asayîşa PDK’ê ve hatiye binçavkirin 44 roj in tu agahî nayên girtin.
Çalakiya greva birçîbûnê ya dorveger ku girtiyên siyasî di çarçoveya kampanyaya “Ji Abdullah Ocalan re azadî, ji bo pirsgirêka kurd çareserî” de daye destpêkirin di roja 11’an de berdewam dike.
Derûnas Salih Tekînalp diyar kir ku pergala kapîtalîst bi cewhera xwe ya dij-civakî mirov dikişîne nava tenêtiyê û got ku ji ber pergala kapîtalîzmê her sal nexweşeyên derûniyê zêde dibin.
Welatiyên sêrtî destnîşan kirin ku dê hilbijartinên herêmî de qeyûm bişînin û diyar kirin ku namzetên ku gel temsîl dikin û pirsgirêkan bi aqilekî hevpar çareser bikin dixwazin.
Nûnerên partiyên siyasî yên Erziromê û aktîvîstên TJA'yê diyar kirin ku deriyê Îmraliyê bi têkoşînê dikare bê vekirin û gotin: "Pêwîst e her kes li dijî tecrîdê xwedî helwest be."
Welatiyên ku tev li Nobeda Edaletê ya Amedê bûn û serdana nobedê kirin, diyar kirin ku xwedîderketina civakî divê û gotin: “Divê gelê me piştgiriyê bide çalakiyê. Em ê teqez bi ser bikevin."