Di çarçoveya Roja Mafên Mirovan de li gelek bajaran daxuyanî hatin dayîn û hat diyarkirin ku mezintirîn astengiya li pêşiya demokratîkbûnê neçareserkirina pirsgirêka kurd e û banga çareserkirina pirsigirêkê hate kirin.
Ji parêzerên Rêberê PKK’ê Abdullah Ocalan, Cengîz Yureklî diyar kir ku Îmrali laboratuareke demokasiyê ye û wiha got: “Sepanên li wir dikevin meriyetê, li seranserî Tirkiyeyê dikevin meriyetê.”
Di meha 98’an a Komkujiya Gar a Enqereyê de jiyana xwe ji dest dayîn hatin bibîranîn. Seroka Komeleya 10 Ekim-Derê Mehtap Sakîncî Coşgun got: “Roj bi roj hewl didin komkujiyê bidin jibîrkirin. Lê belê em ê soza xwe ya ku komkujiyê nedin jibîrkirin pêk bînin.”
Li Zonguldakê hezaz çêbû û dayikek û kurê wê di bin hezazê de mabûn. Di encama xebatên lêgerîn-rizgarkirinê de cenazeyên her duyan hatin dîtin.
Di 10’ê Kanûnê Roja Mafên Mirovan de binpêkirina maf a herî giran li Îmraliyê tê jiyîn. Hevserokê Şaxa ÎHD’a Enqereyê Omer Farûk Yazmacî, got: “Tecrîd li dijî çareseriya pirsgirêka kurd e. Kengî tecrîd were rakirin dê welat wê çaxê hêjayî jiyanê be.”
Hevberdevka Meclisa Ciwanan a HEDEP’ê Edanûr Îbrahîmoglû û Îbrahîm Uzun tundiya di dema binçavkirinê de vegotin û diyar kirin ku rapora derbkirinê wergirtine û dê gilî bikin.
Wezareta Karên Derve bersiva pêşnûmeya têkildarî polîtîkayên pişaftinê yên li Efrîn, Serêkaniyê û Girê Spî da û piştrast kir ku li van herêman zimanê perwerdeyê erebî ye û dersên tirkî û kurdî jî weke dersên hilbijarî tên dayîn.
Ji rojnameger Silêman Ehmed ku ji hêla asayîşa PDK’ê ve hatiye binçavkirin, 47 roj in tu agahî nayên girtin.
Çalakiya greva birçîbûnê ku girtiyên siyasî bi daxwaza “Ji Abdullah Ocalan re azadî, ji bo pirsgirêka kurd çareserî” dane destpêkirin di roja 14’an de didome.
TÎHV û ÎHD bi armanca bale bikişînin ser rewşa girtiyên nexweş dê çalakiyên “Nobeta Mafên Mirovan” û “Em Findên Xwe ji bo Mafên Mirovan Vêdixin” li dar bixin.
Li Rihayê di nava du salan de 32 jin hatin qetilkirin û ji bo qetilkirina 9 jinan jî hewldan çêbûn. Parêzer Berfîn Gokkan diyar kir ku ji ber neçalakbûna mekanîzmayên fermî, baweriya jinan bi dewletê nayê û wiha got: “Bi destê hiqûqê tundî li jinan tê kirin.”
Hevserokê Şaxa OHD'ê ya Dîlokê Mûstafa Yalçin diyar kir ku tevî 2 sal û 6 meh û 15 roj derbas bûne jî ji bo serlêdana 770 parêzeran a ji bo hevdîtina bi Rêberê PKK'ê Abdullah Ocalan re tu bersiv nehatiye dayîn û got: “Daxwaza me bi tu awayî nehatiye bersivandin. Lê ev nayê wê wateyê ku em ê serlêdanê nekin. Dê serlêdanên me bidomin."
Hevberdevka Herêma Yekemîn a MATUHAY-DER'ê Sebat Karul ku li dijî tecrîda li Îmraliyê 86 rojan di greva birçîbûnê de ma, wiha got: "Divê em bi berxwedaneke topyekûn biqîrin û bibêjin ku em li cem girtiyan e û bi têkoşîna wan re ne."
Hevserokê Şaxa ÎHD'a Êlihê Ahmet Şiray, diyar kir ku Abîdeya Mafên Mirovan a di encama qezaya wesayîtê de xera bûye ji bo gelê bajêr û xizmên windayan girîng e û xwest ku bîrdarî bê temîrkirin.