Parlamenterê Rihayê Mîthat Sancar ê di kongreya HEDEP’ê ya Xelfetiyê de axivî, diyar kir ku meşa azadiyê tevî astengiyan jî berdewam dike û wiha got: “Meşa me meşa wekhevî, demokrasî, mafê kedê û azadiya baweriyan e.”
Tirkiye xaniyek li gundê Deşîşe ya girêdayî Til Temirê topbaran kir. Di encama topbaranê de 3 welatî birîndar bûn.
Seyît Oktay ê piştî 30 salan hate berdan, li bajarê xwe Wanê bi awayekî bicoş hate pêşwazîkirin.
Ji 733 fezlekeyên ku bi daxwaza rakirina parêzbendiya wan ji Meclisê re hatin şandin 512 der barê parlamenterên HEDEP’ê de ne.
Di şewata li avahiyeke li navçeya Soranê derketiye de 14 kesan jiyana xwe ji dest dan û 7 kes jî birîndar bûn.
Endamê Şaxa OHD’a Rihayê Parêzer Ahmet Atiş ê ku ji ber li Qereqola Cendermeyan bi muwekîlê xwe re bi kurdî axivî hate derbkirin, diyar kir ku ev êrîş berdewama zîhniyeta “Tirkî biaxive, pir biaxive ye” û got ku li qereqolê jê re gotinê ku “Ev der Tirkiye ye, zimanê vir tirkî ye”.
Ji ser qetilkirina Garîbe Gezer a di girtîgehê de rastî îşkenceya fizîkî û destdirêjiyê mabû, 2 sal derbas bûn. Faîlên Gezerê ev 2 sal in tên parastin û xwîşka wê Asya Gezer diyar kir ku ew ê dest ji hesabpirsînê bernedin.”
Abdurrahman Ayhan anî ziman ku tecrîda li Îmraliyê di nava dînamîkên civakê de rê li ber dijminatiyê vekir û got: “Tecrîdkirina Ocalan, ji bo Tirkiyeyê tê wateya karesatê.”
Ji rojnameger Silêman Ehmed ku ji hêla asayîşa PDK’ê ve hatiye binçavkirin 45 roj in tu agahî nayên girtin.
Çalakiya greva birçîbûnê ya dorveger ku girtiyên siyasî di çarçoveya kampanyaya “Ji Abdullah Ocalan re azadî, ji bo pirsgirêka kurd çareserî” de daye destpêkirin di roja 13’an de berdewam dike.
Hevserokê Komeleya Lêkolîn û Piştgiriyê ya 78’an a Amedê Ahmet Ertak, têkildarî Girtîgeha Amedê ya Hejmara 5’an ku dixwazin bikin ‘Muzexaneya Bîranîn û Etnografyayê’ axivî û da zanîn ku wan li Enqereyê ji bo ku ew der bibe ‘Muzeya Mafên Mirovan’ hevdîtin kirine.
Hevseroka MA TÛHAY-DER'ê Dîlek Demîrê anî ziman ku di warê grevên birçîbûnê de bar dikeve ser milê her kesî û got: "Ger em xwedî li tevgera civakî derkevin, em ê karibin ber bi cîhaneke aramtir û aştîxwaz ve biçin."
Li navçeya Sûrê avahiyeke 5 qatî hilweşiya. Malbatên ku xaniyên wan ji ber vê avahiyê xesar dîtin, ji dêvla xaniyên xwe yên mohrkirî cihekî dixwazin.
Gulgeş Tatli ku li Girtîgeha Jinan a Bunyanê di greva birçîbûnê de ye got ku li dijî tecrîda li Îmraliyê divê toreke têkoşînê bê avakirin.
Ji 3 gerîlayên HPG'ê yên ku PDK'ê kemîn danîbû ber wan û ew girtibûn, 2 sal in tu agahî nayê girtin. Xwişka endamê HPG'ê Ayhan Tatli, Leyla Tatliyê diyar kir ku PDK bi tu awayî agahiyê nade wan û got: "Em dipirsîn gefan li me dixwin. PDK bila bes vê dijminatiyê bike. Bila bes li ser xwîna zarokên kurd bazariyê bike."