Girtî Mazlûm Îçlî yê di çalakiya greva birçîbûnê de cih digire diyar kir ku komên duyemîn çalakiya greva birçîbûnê dewr girtin û got: “Xwedî li berxwedana me ya xurt û biqehremanî derkevin.”
Girtiya siyasî Sebahat Tuncel diyar kir ku têkoşîna azadiyê ya jinan ku bi pêşengtiya jinên kurd tê meşandin ji bo cîhanê bûye mînak lê Tirkiye hewl dide tevgera jinên kurd bidarizîne.
Li Girtîgeha Şirnexê gardiyanan bi ser qawişan de girtin û kamera li qawişê bi cih kirin.
Mûstafa Bor ê li ser ‘îxbarê’ li navçeya Geverê hatibû binçavkirin, hat berdan.
Pîrên elewiyan û alimên olî bal kişandin ku di çareseriya pirsgirêka kurd de muxatabê sereke Abdullah Ocalan e û ev bang kirin: “Divê demildest azadiya fizîkî ya Abdullah Ocalan were pêkanîn.”
Parlamenterê Partiya Saadetê yê Kocaeliyê Hasan Bîtmez dema li ser kursiya Meclisê diaxivî krîza dil derbas kir.
Serdarê bi navê Ahmet Eren ku dema li Fermandariya Cendirmeyan a Erxeniyê di dema wergirtina cerdevanan de bi bertîlxwarinê tê tawanbarkirin, ji danişînên dozê hate varestekirin.
Girtiyê nexweş ê bi navê Mehmet Gûvcîn li nexweşxaneya lê dihate dermankirin jiyana xwe ji dest da.
Hevseroka Giştî ya DEM Partiyê Tulay Hatîmogûllari ji bo hakem Halîl Ûmût Meler ê rastî êrişê hat daxwazên xwe yên başbûnê pêşkeş kirin. Hatîmogûllari ya êrişa rêveberên MKE Ankaragucu Sporê ya li dijî rêveberên Amedsporê ya berê bi bîr xist wiha got: “Berpirsyarê tundiya li fûtbolê desthilat e.”
Ji bo Rêveberê DEM Partiyê Ahmet Gun ku di encama êrişa cerdevanan de hate kuştin, li pêşiya mala wî konê şînê hate vegirtin.
Welatiyan li beşa bêkesan a li Goristana Yenîkoyê tûpên xwînê yên nav û hejmara kîmyayê li ser dîtibûn. Têkildarî mijarê serlêdana sûc hatibû kirin. Du sal piştre têkildarî lêpirsînê biryara “Hewcehî bi şopandinê nîne” hate dayîn. OHD’ê ji bo derheqê berpirsyaran de doz were vekirin li dijî biryarê îtîraz kir.
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan ku 33 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Hat gotin ku sercerdevanê berê Şeyhmûz Babat ku li gorî îdiayê gotiye; “Li gundê min çendek terorîst mane dê wan jî paqij bikim”, pêdankerê cînayeta rêveberê DEM Partiyê Ahmet Gun e.
Endamê Meclisa Şaredariya Sêgirkê yê DEM Partiyê Ahmet Gun di êrişeke çekdarî de jiyana xwe ji dest da. Mahmût Gun ku di heman êrişê de rizgar bûbû, wiha got: “Cerdevan Siddik Babat bi çekê êriş kir.”
Li Geverê bi ser malan de hate girtin û kesek hate binçavkirin.