Xizmên girtiyan li ber Kampûsa Girtîgeha Kurkçuler a Edeneyê bang li Wezareta Dadê û CPT’yê kirin û wiha gotin: “Daxwazên girtiyên siyasî di heman demê de daxwazên gelê kurd in. Em dixwazin ev daxwazên wan bên bicihanîn.”
Parlamenterê DEM Partiyê yê Mêrsînê Alî Bozan da zanîn ku ji bajarên cuda gelek hilbijêr li navçeya Akdenîzê hatine veguhestin û tespîtkirine ku li 55 malan hezar û 616 hilbijêr hatine qeydkirin.
Baroya Colemêrgê têkildarî îşkenceya li Geverê li malbata Kurt hatiye kirin daxuyanî da û diyar kir ku dê bûyerê bişopînin.
Parêzer Mahsunî Karaman di Doza Kobanê de gotina Erdogan a “Kobanê ha ket ha dikeve” bi bîr xist û got ku 25-30 deqey piştî vê axaftinê bûyera mirina ewil qewimî ye. Karaman, got ku bûyerên 6-8’ê Cotmehê piştî bangawaziya Rêberê PKK’ê Abdullah Ocalan bi dawî bûn.
Doza tezmînatê ya li nivîskara Evrenselê Ceren Sozerî ji ber nivîsa wê ya têkildarî hilbijartinên rêveberiyên herêmî ya bi sernavê “AKP’ê bi kê deng da windakirin?” hatibû vekirin, hate taloqkirin.
Dayika Aştiyê Bedriye Demîr ku ji ber pirsgirêkên tenduristiyê par jiyana xwe ji dest dabû, di salvegera wefata xwe de li ser gora xwe hat bibîranîn.
Wesayîta rîngê ya ku girtî û hikûmxwar tê de bûn li Farqînê wergeriya û 10 kes birîndar bûn.
DEM Partiyê bi boneya 10’ê Çileyê Roja Rojnamegerên Dixebitin daxuyanî da û wiha got: “Roja Rojnamegerên Dixebitin li hemû rojnamegerên tevî zextan jî xwedî li rûmeta pîşeyê derdikevin pîroz be.”
Cêwiyên 16 salî ku di erdhejê de nêzî 4 saetan di bin kavilan de man û ji ber tirsa erdhejê bi hev re radizan, bi “hevzayendîbûnê” hatin sûcdarkirin û ji wargeha Dibistana Amadehî ya Sporê ya Mevlut Çavuşoglû ya Alanyayê hatin avêtin.
AYM’ê sûcê “Her çend ku endamê rêxistinê nebe jî li ser navê rêxistinê sûc kiriye” betal kiribû. Bariş Onen ku ji ber vê îdiayê girtîbû, piştî serlêdanê hate berdan.
Xwendekara dibistana amadehî ya 16 salî S.K., ji hêla kesên tê gotin xizmên wê ne ve bi wesayîtê hate revandin.
DFG û MKG’ê 10’ê Çileyê Roja Rojnamegerên Dixebitin pîroz kirin û ev peyam dan: “Bi dirûşma ‘çapemeniya azad, civaka azad’ em ê zordestî û zilmê têk bibin.”
Di serdegirtinên malan ên li Pêrtagê de 2 kes hatin binçavkirin.
Karîkaturîst Sefer Selvî bi boneya 10’ê Çileyê Roja Rojnamegerên Dixebitin rojnamegerên girtî xêz kir.
Welatiyê bi navê Vedat Ozer di 9 salan de 16 caran hate binçavkirin û derheqê wî de 12 doz hatin vekirin. Herî dawî jî bi hinceta ku di kongreya DBP’ê de ji bo stranekê li defê xistiye derheqê wî de lêpirsîn hate destpêkirin.