Li navçeya Farqîn, Bismil û Peyasê yên Amedê pêşhilbijartin ji ber hin pirsgirêkên teknîkî hatibûn betalkirin. Li Farqîn û Peyasê dê delege sibê dîsa biçin ser sindoqan.
Amedspor spor di maça deplasmanê de bi Denîzlîsporê re 1-1 berambere ma.
Li Colemêrg û navçeyên wê ev du roj in berfeke zêde dibare û ji ber berfê rêyên 96 gundan û 202 mezrayan hatin girtin. Xelkê Geverê jî bertek nîşanî rêveberiya qeyûm da.
Gulser Ozbay ku piştî 31 sal û 6 menhan hatibû tehliyekirin, li bajarê xwe Agiriyê bi coş hate pêşwazîkirin. Ozbay, tev li pêşhilbijartina DEM Partiyê bû.
Di çalakiya Nobeta Edaletê ku bi daxwaza “Azadiya Abdullah Ocalan” hatine destpêkirin de çalakvanan bal kişandin ser girîngiya domandina têkoşînê.
Dewleta tirk êrişên xwe yên li dijî Bakur û Rojhilatê Sûriyeyê didomîne. Di êrişan de binesaziya herêmê û qadên sivîlan hedef hatin girtin. Di erişan de dayikek û du zarokên xwe birîndar bûn û stasyona ceyranê û çewlika sewalan hatin bombebarankirin.
Li gorî nûçeya ANF’ê; HPG’ê ragihand ku di encama çalakiyên hêzên wan li Zapê de 61 leşker hatine kuştin.
Li çoltarê Şirnexê operasyona leşkerî hate destpêkirin.
Siyasetmedar Ahmet Turk ku ji bo namzetiya Hevşaredariya Bajarê Mezin a Mêrdînê serlêdan kiribû, da zanîn ku ji ber ku di tura yekemîn de nehat hilbijartin bernamzetiya xwe paşve kişandiye û wiha got: “Ez ê têkoşîna gelê kurd li platformên cuda bidomînim.”
DEM Partiyê duh li 45 bajar û navçeyan pêşhilbijartin li dar xist û bi dehhezaran delegeyan dengê xwe dan. Gelemperî hilbijartin ji bo tura duyemîn man.
Ciwanê kurd ê bi navê Îmam Hasan Wend di encama îşkenceya rejîma Îranê ya di 4 mehan de hate qetilkirin.
Rozerîn Kurt li Girtîgeha Jinan a Sîncanê tê ragirtin û ev 14 meh in tehliyeya wî ji hêla Lijneya Îdare û Çavdêriyê ve bi îdiaya “halnebaşiyê” tê astengkirin.
Dewleta tirk stasyona ceyranê û noqteyên asayîşê yên Eyn Îsa ya Bakur û Rojhilatê Sûriyeyê bombebaran kir.
Welatiyên ku tev li pêşhilbijartina Şirnexê bûn dan zanîn ku ew ê nehêlin vîna wan dîsa bê xespkirin û ji bo pêşhilbijartinê gotin: “Ne wekî pêşbirkê lê mîna şahiya demokrasiyê ye.”
Ji rojnameger Silêman Ehmed ku ji hêla asayîşa PDK’ê ve hatiye revandin, 82 roj in tu agahî nayên girtin.