* AKP'ê hîn jî navê namzetên ji bo şaredariyên navçeyên Amedê aşkere nekiriye. Li gorî îdiayan, sedema taloqkirina aşkerekirina namzetan ew e ku ji hin namzetan pereyekî zêde hatine girtin û ji ber ev kes nehatine nîşandan, namzet nayên aşkerekirin. 

 

* Namzetên HDP'ê yên Şaredariya Cizîrê Mehmet Zirig û Berîvan Kûtlû, diyar kirin ku ew ê li her taxê malên şaredariyê vebikin û ew ê tevî gel pirsgirêkên bajêr çareser bikin. 

 

* Parlementerê HDP'ê Mûsa Farisogûllari, destnîşan kir ku piştî hevdîtina Mehmet Ocalan a bi Rêberê PKK'ê Abdullah Ocalan re tecrîd bi dawî nebûye û got: "Çimkî di vî warî de sabiqaya dewletê heye."

 

* Însiyatîfa Azadiyê Ya Li Dijî Tecrîdê dê têkildarî grevên birçîbûnê li avahiya Kongreya Civaka Demokratîk (KCD) civîna çapemeniyê li dar bixe. (11.00)

 

* Danişîna 5'emîn a doza rojnamegerê girtî Ziya Ataman dê li 1'emîn Dadgeha Cezayê Giran a Şirnexê bê dîtin. (09.30)

 

* Xwediyê Îmtiyazê yê rojnameya Ozgur Gundemê ya bi KHK'ê hat girtin Kemal Sancili ku girtî ye jî di nav de 9 rojnamegerên tên darizandin dê danişîna wan li 23'yemîn Dadgeha Cezayê Giran a Stenbolê bê dîtin. (09.30)

 

* Rojnameger Îshak Karakaş û 9 kesên der barê wan de bi hêceta parvekirinên medya civakî yên der barê Efrînê de doz hatibû vekirin dê danişîna wan li 28'emîn Dadgeha Cezayê Giran a Stenbolê bê dîtin. (10.00)

 

* Şaxên Egîtîm Sen û SES'ê yên Amedê bi boneya balê bikişînin ser pirsgirêkên hevkarên xwe yên li Zanîngeha Dîcleyê dixebitin dê li ber avahiya Serhekîmê Nexweşxaneya Zanîngeha Dîcleyê daxuyaniya çapemeniyê li dar bixin. (12.30) 

 

* Dê danişîna doza bobelata Aladagê ku li navçeya Aladag a Edeneyê 11 jê zarok 12 kesan jiyana xwe ji dest da û 22 xwendekarên birîndar  li Dadgeha Cezayê  Giran a Edeneyê bê dîtin. (09-00-19.00)