RANYA - Gelê Qeladiz û Ranya, ji bo şermezarkirina êrîşên TSK'ê yên li ser Bakur Rojhilatê Suriye, daketin kolanan û çalakî li dar xistin.
Di saetên êvarê de li navçeya Ranya û bajaroka Qeladizê gel daket qadan û êrîşên TSK'ê yên li ser Bakur Rojhilatê Suriye şermezar kirin. Di meşan de dirûşmên “Qatil Erdogan, Rojava ne bi tenê ye, bijî berxwedana YPG” hatin gotin û daxuyani hatin dayîn. Di daxuyaniyan de hate gotin, Artêşa Tirk bi hemû hêza xwe êrîşek dagirkeriyê li dijî destkeftiyên gelê Kurd li Rojavayê Kurdistanê daye despêkirin û armanca êrîşan jî ji holê rakirina destkeftiyên gelê Kurde. Her wiha hate gotin ku ev êrîş ne tenê li ser Rojavayê Kurdistanê ye di heman demê de êrîşeke li ser tevayî destkeftiyên gelê Kurd. Ji bona wê divê tevayî aliyên siyasî, welatî, hikûmet û parlamentoya Herêma Kurdistan li dijî van êrîşan bikevin nava tevgerê û helwestek tûnd nîşan bidin.