Endama Meclîsa Partiyê ya Partiya Şoreşger Cansû Îrem Kalender, di dema çalakiyên greva birçîbûnê yên li dijî tecrîdkirina Rêberê PKK'ê Abdullah Ocalan de di 17'ê Gulanê de li Qada Kalkedon a Kadikoyê bi tena serê xwe çalakiya rûniştinê li dar xistibû hatibû binçavkirin û paşê bi şertê venêrîna edlî hatibû berdan. Ji ber biryar derbarê wê de hatiye girtin Kalender nikare ji sînorên Kadikoyê derkeve. 

 

‘MIN TECRÎD ŞERMEZAR DIKIR LÊ EZ HATIM TECRÎDKIRIN' 

 

Kalender, anî ziman ku cezayê qedexeya derketina derveyî sînorê navçeyê lê hatiye birîn û ji xeynî vê polîs tim wê dişopînin. Kalender, bilêv kir ku nizane wê ev qedexe heta kengî bidome û got: "Gava li navçeyê dimeşim bi awayekîd evkî polîs min taciz dikin. Mudaxileyî jiyana taybet û giştî ya jinekê dikin û tu bikî nekî ev tesîrê li deûrniya min dike. Li dijî tecrîdê rabûm, lê ez hatim tecrîdkirin. Vê mehê 2 danişînên min hene. Yek jê li Kartalê yek jî li Çaglayanê. Eger ez biçim van danişîninan, divê ez vî cezayê li min hatiye birîn bin pê bikim." 

 

Kalender, anî ziman ku ji ber vê qedexeyê ji gelek tiştan hatiye mehrûmkirin û got: "Ji ber bêhnstendinê diviya dmeildets biçûma nexweşxaneyê. Ji ber Nexweşxaneya Numûneyê ya Kadikoyê girêdayî Uskudarê ye, gava min ji wan re got cezayê min heye, gotin tu nikarî tedawî bibî û em ê te îxbar bikin. Mafê min ê tenduristiyê hat astengkirin û bi rastî jî ez pir enxweş im. Eger tiştek bi min bê wê dewlet berpirsiyarê têxe stuyê dozger û dadger? Ez nehikumxwar im, hîn îdianameya min jî nehatiye amadekirin." 

 

Kalender, destnîşan kir ku li Tirkiyeyê heq û hiqûq tune ye û got: "Hin kesên ji ber DAIŞ'î bûn cezayê derketina derveyî welat li wan hatibû birîn, ji ber gotin 'em ê biçin hecê' qedexeya wan hat betalkirin. Lê ez ji mafê tenduristiyê, mafê xebatê ji her tiştî hatime mehrûmkirin. Ez ne endamê tu rêxistine çekdar im jî. Min ne doza şer min doza aştiyê kir. Min kesî şer jê nekiriye û nêteke min a wisa jî tune bû."