Partiya Çep a Kesk starta xebatên hilbijartinê da

ENQERE - Partiya Çep a Kesk, Beyannameya xwe ya Hilbijartinê aşkere kir û starta hilbijartinê da. 
 
Partiya Pêşeroja Çep a Keskan (Partiya Çep a Kesk) li oteleke li Enqereyê Beyannameya xwe ya Hilbijartinê aşkere dike. Partiya Çep a Kesk ku dirûşmeyên hilbijartinê weke “Em li vir in em ê bi hev re biguherînin” û “Dîsa em” diyar kirin pankartên bi kurmancî, kirmanckî û tirkî yên “Em li vir in em ê bi hev re biguherînin” , “Dîsa em, dîsa serkeftin” , “Em li vir in em ê bi kedkaran re biguherînin” , “Dîsa civak, dîsa azadî” , “Dîsa ciwan, dîsa serkeftin” , “Seba awamlerdişî, reyan ma” daliqandin. Li eywanê li ekrana mezin a LED’ê dirûşmeyên hilbijartinê yên Partiya Çep a Kesk hatin nîşandan. 
 
Hevberdevkên Partiya Çep a Kesk Çîgdem Kiliçgun Ûçar û Îbrahîm Akin û Hevberdevka Kongreya Demokratîk a Gelan (HDK) Esengul Demîr, Hevserokê Kongreya Civaka Demokratîk (KCD) Berdan Ozturk, Hevserokên Giştî yên Partiya Demokratîk a Gelan (HDP) Pervîn Bûldan û Mîthat Sancar, Hevserokên Partiya Herêman a Demokratîk (DBP) Salîha Aydenîz û Keskîn Bayindir, Hevserokê Partiya Sosyalîst a Bindestan (ESP) Şahîn Tumuklu, Seroka Giştî ya Partiya Şoreşger Elîf Torun Oneren, Berdevka SODAP'ê Kezban Konûkçû, Hevserokê Giştî yê SYKP'ê Cavît Ûgûr, endamên Desteya Berdevkên TOP'ê Perîhan Koca û Pelîn Kahîlogûllari, Serokê EMEP'ê Ercument Akdenîz, siyasetmedarên kurd Ahmet Turk û Sirri Sakik, Wezîrê berê yê Dewletê Halîl Ziya û gelek nûnerên rêxistinên sivîl ên civakî, rewşenbîr, nivîskar û rojnamevan beşdarî aktîvîteyê bûn.
 
Aktîvîteya Lansmanê bi rêzgirtina ji bo bîranîna kesên di erdhejên 6’ê sibatê li Mereşê pêk hatin de jiyana xwe ji dest dan dest pê kir. Di aktîvîteyê de ewilî Hevserokên Giştî yên HDP’ê Mîthat Sancar û Pervîn Bûldan axivîn. 
 
DANASÎNA STRANÊN HILBIJARTINÊ HATIN KIRIN
 
Piştî axaftinên Hevserokên Giştî danasîna stranên hilbijartinê yên Partiya Kesk a Çep a kurdî ya bi navê “Dîsa em” û ya tirkî ya bi navê “Em li vir in (Buradayız)” hatin kirin. 
 
SIYASETMEDARÊN GIRTÎ PEYAM ŞANDIN 
 
Di lansmanê de peyamên girtiyên siyasî Hevserokên Giştî yên HDP’ê yên Berê Fîgen Yuksekdag û Selahattîn Demîrtaş, Sebahat Tûncel, Ayla Akat Ata, Selçûk Mizrakli, Îdrîs Balûken, Gultan Kişanak û Gunay Kûbîlay hatin xwendin. 
 
Dû re Hevserokên Partiya Çep a Kesk Çîgdem Ûçar û Îbrahîm Akin, Beyannameya Hilbijartinê aşkere kir. Bi aşkerekirina Beyannameya Hilbijartinê xebatên hilbijartinê yên Partiya Çep a Kesk hatin dayîn. 
 
SOZÊN HATINE DAYÎN 
 
Hevberdevkên Partiya Çep a Kesk Çîgdem Kiliçgun Uçar û Îbrahîm Akin, Beyannameya Hilbijartinê eşkere kir. Sozên di Beyannameya Hilbijartinê ya Partiya Çep a Kesk de wiha ne: 
 
* Em ê mafên xwebirêxistinkirina sendîkayî yên bigrev û peymanên komî yên hemû karker, xebatkarên cemaweriyê û hemû kesên têkiliya wan bi xebatê re heye, mîsoger bikin. Em ê 8’ê Adarê ji bo hemû jinên dixebitin weke roja betlaneya fermî ragihînin. Em ê lokavtê ji sererastkirineke makeqanûnî û yasayî derxînin. 
 
* Em ê pergaleke heqdestê ku jiyaneke mirovane baştir dike û bandorê li teqawidiyê dike, ava bikin. Em ê buroyên îstîhdamkirinê yên taybet bigirin û dawî li sepana karkerên kirêkirî bînin. 
 
* Li dijî krîza xaniyan, em ê xaniyên komelî ava bikin û malbatên xizan lê bicih bikin. 
 
* Em ê înşaetên qesrê bidin sekinandin û qesrên heyî jî bixin xizmeta gel. 
 
* Em ê rê nedin ku zarok weke karker bên bikaranîn. Em ê mercên koletiyê ku bi gotinên stajyer û çiraxtiyê tên kamûflekirin ji holê rakin û tevdîrên pêşîlêgir bînin. 
 
* Em ê dawî li dabeşkirina kar a nêrza û zayendperest ya pergala kapîtalîst a mêrserdest bînin ku keda jinê û xebata wê tune dihesibîne. Em ê ji bo keda malê ya bêheq a jinan, temînata civakî û mafê teqawidbûnê bînin. 
 
* Em ê Peymana Stenbolê dîsa bixin meriyetê. Em ê parastina rewa ya jinan a li dijî tundiya mêran, li ser bingeheke qanûnî saz bikin. Di sûcên bingeha xwe ji zayenda civakî digirin de em ê dawî li sepanên weke ‘Daxistina sûc a ji ber tehrîkkirinê’ bînin.
 
* Em ê Meclisê bikin cihê jinan, kedkaran, gelan, ciwanan, LGBTÎ+’yan, astengdaran, zarokan, çandan, baweriyan û hemû derdorên bindest. Em ê pergala hevserokatiyê di hemû qedemeyên siyasetê de bi cih bikin. Ji tenduristiyê heta perwerdeyê, em ê di hemû qadan de ji bo jinan sererastkirinên nû çêbikin. 
 
* Em ê Meclisên Zanîngehên Demokratîk ava bikin ku di modêla zanîngehên demokratîk û azad de hemû pêkhate xwedî gotin û biryar bin. 
 
* Em ê ‘Belgeya Helwestê ya Zayenda Civakî’ ku YOK’ê ji holê rakiribû dîsa têxin meriyetê. Dê bûdçeya ciwanan ava bikin. 
 
* Ji bo huner û hunermend li dijî piyasa û dewletê azad û serbixwe bibin, dê Saziya Hunerê ya Serbixwe ya Tirkiyeyê ava bikin ku dê hunermend bi awayeke demokratîk birêve bibin. Dê hemû xebatên di qada hunerê de jî di bin rayeya vê saziyê de bin. Li dijî zimanên di bin zextê de, dê bi feraseta cihêkariya pozîtîf a akademîk, çandî û hunerî were tevgerîn û alîkarî pê re were kirin. Em ê ji bo hunermendên kolanan mercên xebatê yên bitemînat ava bikin. 
 
* Li dijî tehekûma pergala kapîtalîst a mêrserdest ya li ser xweza û zayendan, em ê jiyaneke nû ya ku hebûnên ekolojîk tên parastin û jin bi xwezayê re azad dibe ava bikin û sedsala 21’an bikin sedsala jinan. Em ê bajarên jinan ên ekolojîk ava bikin. 
 
* Em ê Wezareta Zarokan ava bikin û di bin sîwana vê wezaretê de, Plana Çalakiyan a Mafên Zarokan, Belgeya Stratejiya Polîtîkayên Zarokan û Rêgezên Polîtîkayên ji bo Zarokan ava bikin. Em ê dawî li cihêkariya ji ber ziman, nîjad, nasname, bawerî, mezheb, zayend û cudahiya beden a li zarokan tê kirin bînin. Em ê malên lênihêrînê yên bêpere û kreşan vekin. 
 
* Ji bo çareserkirina pirsgirêkên hemwelatiyên astengdar, em ê ‘Wezareta Astengdaran’ ava bikin. Dê di hemû saziyan de ji bo astengdaran bûdçeya taybet veqetînin. Dê ji bo astengdaran bajarên pratîk ava bikin.
 
* Em ê azadiya bawerî û wijdanê li ser esasê hemwelatiya wekhev, bi makeqanûnê mîsoger bikin. Li cihê Wezareta Karên Diyanetê, em ê ‘Serokatiya Xizmetên Baweriyan’ ava bikin ku weke ‘Lijneya Karên Baweriyan’ dixebite û hemû kes û civakên xwedî baweriyên cuda bikarin bi rehetî xwe di nav de birêxistin bikin. Em ê dersa olê ya mecbûrî rakin. 
 
* Dê dawî li operasyonên leşkerî yên ku Tirkiyeyê bi hinceta pirsgirêka kurd li dijî Sûriye û Iraqê dane destpêkirin, bînin. Em ê bikin ku Tirkiye xwe ji Sûriye û Iraqê vekişîne. Em ê bi van welatan re bi rêya muzakere û guftûgoyê têkiliyên dostane pêş bixin û pirsgirêka kurd a di asta herêmî de çareser bikin. Em ê li dijî polîtîkayên biçekkirinê û gefa şerê nûkleerî ku NATO bi armanca dorpêçkirina Rûsyayê di bin navê berfirehbûnê de dimeşîne, dengê xwe bilind bikin. 
 
* Em ê sererastkirinên têkildar ên di mewzûatê de derxînin û dawî li girtina partiyên siyasî bînin. Em ê benda hilbijartinê rakin û di temsîliyetê de edaletê pêk bînin. Dê rê li ber vekin ku di Meclisê de her partiyek bi qasî dengên xwe cih bigire. Ji bo partî sûdê ji alîkariya xizîneyê bigirin, tekane şert dê bibe ew ku partî mercên ketina hilbijartinê bi cih anîbin. 
 
* Em ê hemû astengiyên li pêşiya azadiya fikr û raman, azadiya xweîfadekirin û xwebirêxistinkirinê, azadiya ol û wijdanê û azadiya çapemeniyê rakin. Em ê dawî li polîtîkaya necezakirinê ya ji bo hêzên ewlekariyê, endamên terîqetê, mafya, çete û rêxistinên sûc ên malê xelkê dest danin ser bi dawî bikin. Em ê sererastkirinên bi rêya tengkirina bandê, mafê agahîgirtinê yê gel binpê dike bi dawî bikin. Em ê sûcê ‘heqareta li dijî serokkomar’ ji qanûnan derxînin.
 
* Em ê rêveberiya dijminatiyê li azadiyan, edaletê, wekheviyê, hiqûqê û demokrasiyê dike;  rejîma yekperest a ku civakê li dijî hev sor dike, ya ku bi derewan di navbera gelan de rageşiyê diafirîne, ya ku çand, bawerî, ziman û nasnameyên cuda tune dihesibîne; pergala rizî ya ku gel xizan dike, pergala ku bi rêya kedxwarî, şer, derew û talanê temenê xwe dirêj dike; feraseta talanger a ku xwezayê texrîb dike û berhemdariya vê xakê tune dike û wêran dike; îktîdara hilweşîner a ku erdhej veguherandî karesatê û bûye sedema mirina bi dehhezaran hemwelatiyên me; zîhniyeta mêrserdest a ku Peymana Stenbolê fesh kirî û rê li ber tundî û komkujiyên jinan vekirî û vê pergala genî ya ku ciwan mehkûmî bêpêşerojiyê kirî em ê bi hev re biguherînin!
 
* Em; ji bo pirsgirêkên lezgîn ên weke enflasyon, bêkarî, bêedaletiya di belavkirina dahatê de, xizanî û xaniyan bi rêya Aboriya Demokratîk çareser bikin, li vir in. Em ê fiyetên malên zarûrî bidemkî bidin sekinandin. Pêdiviya gel a bi enerjiyê em ê bêpere pêşwazî bikin. Heta ku mercên pêwîst tên bicihanîn, em ê ji sê parên kêmtirîn nûçeyê weke ‘sîgorteya dahata bingehîn’ bidin. Em ê destûrê nedin ku kesên di xizmetên cemaweriyê de dixebitin ji yekî zêdetir mûçeyan bigirin. 
 
* Em, ji bo bidawîkirina kedxwariyê û xizaniyê li vê derê ne! Heta ku li kanên madenan tevdîrên tenduristî û ewlehiyê tên girtin; heta texrîbatên maden didin ekolojiyê bi dawî dibe em ê hilberînê bidin sekinandin. Em ê madenên ku sektora taybet bi kar tînin, îstîmlaq bikin. 
 
* Em ê statûyeke yasayî bidin karkeriya çandiniya demsalî, qadên vehewînê ava bikin û azadiya xwebirêxistinkirinê mîsoger bikin. Em ê ji bo karkerên çandiniyê yên demsalî yên jin, rêgeza cihêkariya pozîtîf têxin meriyetê.
 
* Em ê rêjeya mehaneyan zêde bikin. Heqdestê mehane yê herî kêm dê bi qasî kêmtirîn heqdest be. Em ê hemû astengiyên li pêşiya rêxistiniya sendîkayî ya kedkaran ji holê rakin. Dê temenê teqawidbûnê daxînin. 
 
* Em ê veguhestina komelî ji bo xwendekar-mamosteyan, astengdar, teqawidî, ciwan û hemû kesên di sînorê xizaniyê de bêpere bikin. Em ê di vê mijarê de bikin ku rêveberiya navendî piştgiriyê bide rêveberiyên herêmî. Em ê di qada taybet û cemaweriyê de kotayên îstîhdamê yên astengkirinan tije bikin. 
 
* Bêyî ku li zayend, temen, nîjad, bawerî, tercîha zayendî, herêm, pîşe, penabertî û hwd binêrin; ji bo her kesê li welêt dijî bikare bi awayekî wekhev, biwesf, bi zimanê xwe û bêpere ji xizmetên tenduristiyê sûd bigire, em ê van xizmetan bêpere bikin. Ji bo kedkarên tenduristiyê bikarin xebateke bitendurist û biewle bikin, em ê hemû tevdîrên pêwîst bigirin. Di mijara kurtajê de em ê biryar û beyana jinê esas bigirin. Em ê kurtaja li ser daxwazê dîsa bêpere bikin. 
 
* Em li dijî nîjadperestiya li penaberan tê kirin, têdikoşin. Em, ji bo parastina mafê jiyanê yê hemû kesên li welêt dijîn û ji bo mîsogerkirina jiyaneke wekhev û bi hev re, li vir in! Ji bo kesên ji ber şerê serdestan ji neçarî xwe spartin welatê me û koçber bûne bikarin ji mafên civakî yên bingehîn sûd bigirin, ji bo ewlehiya mal û canê wan, em ê sererastkirinên pêwîst bikin. Em ê navendên paşveşandinê bigirin. 
 
* Em ê bikin rêgezeke sereke ku her xwendekarek bikare di hemû astên perwerde û hîndekariyê de bi zimanê xwe yê dayikê dest pê bike. Em ê para perwerdeyê ya di bûdçeya rêveberiya navendî û herêmî de zêde bikin û bikin ku xizmet bi awayeke bêpere bên pêşkeşkirin. Di senato û lijneyên rêveberiyê yên zanîngehan de em ê ji bo meclisên xwendekaran cih û deng veqetînin. Em ê hemû mamosteyên nehatine tayînkirin, tayîn bikin. 
 
* Ji bo polîtîkayên piştevaniya çandiniyê di asta herî jor de sûdê bide; em ê ji bo gundiyên xizan û cotkarên biçûk polîtîkaya cihêkariya pozîtîf bêxin meriyetê û kooperatîfbûnê teşwîq bikin. Ji bo hilberîna çandiniyê ya di asta biçûk û navîn de, em ê enerjî û ava pêwîst bêpere bidin. Em ê qedexeyên li ser çêrgeh û zozanan rakin. Em ê Wezareta Kooperatîfan ava bikin. 
 
* Ji bo bidawîkirina talankirina xwezayê û bicihanîna polîtîkayên ekolojiyê, em ê Wezareta Ekolojiyê ava bikin. Em ê hiqûqê wisa vesaz bikin ku ne tenê mafê jiyanê yê mirovan lê mafê jiyanê yê hemû zindiyan biparêze. Em ê qirkirina ekolojiyê di hiqûqa navxweyî de weke sûcek pênase bikin. Em ê jiyana kovî biparêzin. Em ê demokrasiya herêmî esas bigirin û Meclisên Ekolojiyê ava bikin. Em ê proje û peymanên santralên nuekleerî betal bikin. Em ê santralên termîkê bigirin. Dê Projeya Kanal Stenbolê betal bikin. Dê Daristanên Bakur weke daristanên muhafezeyê ragihînin. 
 
* Bajarên ekolojîk ên jiyan û maf esas digirin, em ê bi hev re ava bikin. Li şûna polîtîkayên veguherîna bajar ên rantê esas digirin, em ê avahiyên li gorî nasname û avhewaya bajar ku daxwazên xelkê herêmê pêşwazî dikin û li hemberî karesatên xwezayî xwegir ava bikin. Dê bajarên ekolojîk ava bikin û bi projeyên avahiyên komelî re hemû kes dê bibe xwedî xanî. Ji bo di rewşên karesatê de bikarin saziyên peywir û berpirsyartiya wan heye koordîne bike, em ê Wezareta Rewşên Lezgîn û Karesatan ava bikin. 
 
* Em ê bikin ku hemû peymanên navneteweyî yên maf û azadiyên bingehîn û wekheviya civakî diparêzin bêyî şert û merc di hiqûqa navxweyî de bên qebûlkirin. Em ê biryarên astengkirina xwegihandinê yên derveyî rewşên tundî, îstîsmarkirina zarokan, nîjadperestî û cihêkariyê ji holê rakin û ji bo careke din neyên dayîn jî qanûnên pêwîst derxînin. 
 
* Em ê dawî li polîtîkayên cihêkariyê yên li dijî kal û pîran bînin. Em ê mûçeyê kalbûnê yê herî kêm, derxînin asta kêmtirîn mûçe. Ji bo berdana girtiyên kal û pîr ên li girtîgehan, em ê tavilê ji hêla hiqûqî ve sererastkirinên pêwîst bikin. 
 
* Em ê tehekûma bicihanîn û qanûndanînê ya li ser darazê ji holê rakin. Em ê rayeya serokkomar a ‘veto’yê ji holê rakin û li şûna wê ‘rayeya paşveşandina pêşniyaran’ bînin. 
 
* Em ê dawî li rejîma înfazê ya cihêkariyê li dijî girtiyên edlî û siyasî dike bînin.  Em ê hukmên ku nahêlin girtiyên siyasî yên cezayê muebbeta giran ji berdana bi şertê kontrola edlî sûd bigirin ji holê rakin. Em ê Mafê Hêviyê bi sererastkirineke qanûnî bixin meriyetê. 
 
* Em ê bikin ku biryarên Dadgeha Mafên Mirovan a Ewropayê yekser bikevin meriyetê. Em ê dawî li girtin û binçavkirinên keyfî yên di dema lêgerînên li mal, kargeh û hwd. bînin. Em ê hemû KHK’yan û hemû biryarên derhiqûqî yên komîsyonên OHAL’ê li gel encamên wan betal bikin.” 
 
 
 
 
 

Sernavên din

09:05 Bereh: Gelê bixwaze xwe biparêze, ewilî divê zimanê xwe biparêze
09:02 Çalakiya bi daxwaza azadiya fîzîkî ya Abdullah Ocalan didome
09:01 Rojnameger Silêman Ehmed li ku ye?
09:00 ROJEVA 19’Ê GULANA 2024’AN
08:49 Di teqîna li Tokatê de 5 jê cendirme 7 kes birîndar bûn
18/05/2024
22:50 Hatimogûllari: Têkoşîna me xurttir bûye
21:20 Bakirhan: Em ji tifaqa JÎTEM'ê ku me didarizîne xelas bibin
19:46 Ûçar: Parêzbendiya herî mezin a gelê kurd berxwedanê wê ye
17:14 Li 3 bajaran 'doza kumpasê' hat protestokirin
16:46 Li Curnê Reş taxa bi taxa xebatên hilbijarinê didomin
16:36 Parêzvanê Ozcan ê AKP’î: Ez hatim girtin lê karê tiryakê Ozcan dikir
15:49 Li Efxanistanê lehî rabûn: Herî kêm 50 kes mirin
15:19 Pirsgirêkên tenduristiyê yên girtiyên nexweş ên bi ser 65 salî re rêz kirin
15:09 Girtiyê nexweş Îlhan piştî 30 salan li bajarê xwe ye
14:25 Li Wanê Sempozyûma Zimanê Kurdî: Kuştina zimanekî komkujî ye
14:05 ‘Şehîdên Meha Gulanê’ hatin bibîranîn
13:48 Berdana Şen ê 31 sal in girtî ye cara çaremîn hate taloqkirin
13:44 Xizmên Windakiriyan li gelek bajaran çalakî li dar xistin: Faîlan bidarizînin
13:40 Dayikên Şemiyê aqûbeta malbata Orhan pirsîn
13:22 Doza Kobanê li Şirnex û Hatayê hate protestokirin
12:47 Li Tokatê cezayê hucreyê li girtiyan birîn
11:44 Di êrişa li dijî Şehbayê de 2 zarok birîndar bûn
10:46 Çîftyurek: Bi ‘Projeya Riya Pêşketinê’ çav berdane destkeftiyên kurdan
10:39 Di 6 salan de li Efrînê 10 hezar kes hatin revandin
10:23 Mîhrîcana Pirtûkan a Mêrdînê: Eleqeyeke zêde heye
10:12 Doza Kobanê: Divê em li dijî biryarê bi hev re têbikoşin
09:38 Tevgera Goran biryarên Doza Kobanê şermezar kir
09:18 Nas: Ji bo siberoja welêt biryareke hêvîşikestinê ye
09:17 Girtiyên siyasî 174 roj in bi daxwaza azadiyê Abdullah Ocalan di çalakiyê de ne
09:10 Unsal: Ger daxwaza wan tolhilanîna DAIŞ'ê be, ev hewldaneke bêhûde ye
09:09 Qedexekirina zozanan kiriye ku mêşvanî nemîne
09:08 207 roj in tu agahî ji rojnameger Silêman Ehmed nayên girtin
09:05 Li Îzmîr, Stenbol û Manîsayê 18 kes hatin girtin
09:01 Îşkenceya bipense di îdianameyê de cih negirt
09:00 ROJEVA 18’Ê GULANA 2024’AN
17/05/2024
22:18 Îlhan piştî 30 salan ji girtîgehê derket
19:21 Emîne Şenyaşar tê darizandin, lê kujer nayên darizandin'
18:26 Saziyên ziman: Tu ceza nikare riya siyaseta demokratîk a azadîxwaz bigire
16:31 Li 3 bajaran çalakiya ‘Tecrîdê dawî bikin’
16:30 Li Colemêrgê 6 kes hatin girtin
16:16 Li Curnê Reş li 12 gundan xebatên hilbijartinê: Em ê bi ferqeke zêde bi dest bixin
16:05 Pereyê ji şaredariyê re hatiye şandin bi besî mûçeyên xebatkaran jî nekir
15:56 Li Çorumê 2 jin hatin qetilkirin
14:47 Ji ÎHD’ê rapora girtîgehên Egeyê: Di salekî de 934 binpêkirinên mafan
14:42 Kişanak li Amedê ye: Kobanê meseleya wijdanê bû, wijdan bi ser ket
14:41 Artêşa tirk gundê Til Mediq ê Şehbayê topbaran kir
14:39 Biryarên Doza Kobanê tên protestokirin
14:38 Kar û barên dewr û tehsîsê yên qeyûmê Sertê hatin betalkirin
14:23 Xelkê Wanê: Biryar ne dadgehê, îktîdarê da
14:14 Daxwaza ‘Bila Komîsyona Lêkolînê ya Heqîqetan bê avakirin’
14:12 Wezîrê Edaletê Tunç derheqê Doza Kobanê de daxuyanî da
13:48 1’emîn Mihrîcana Pirtûkan a Mêrdînê dest pê kir
13:36 DEM Partiyê ji hilbijêrên Curnê Reş re name şand: Em ê vîna xwe biparêzin
13:35 Tehliyeya girtiyê 30 salan cara duyemîn hate taloqkirin
13:17 Şîna Aşkan bi girseyî hate ziyaretkirin
13:10 Hiqûqnas: Em cezayên bi darizandinên sexte hatine dayîn nas nakin
12:31 Doza Kobanê di çapemeniya cîhanê de ye
12:02 Malbatan ji bo hevdîtina li Îmraliyê serlêdan kirin
11:32 Piştî banga îfadeyê Akil û Çagli hatin binçavkirin
11:29 Çetîn Dogan ê Erdogan ew efû kir hate berdan
11:28 TUÎK’ê daneyên bêkariyê parve kir
11:26 Parêzerê Doza Kobanê Aydin: Mirina Boru ji bo danezanê bi kar anîn
11:10 Ji bo bavê AKP’iyê 2 kes kuştibû efûya Erdogan!
11:07 Dê biryarên Doza Kobanê li 3 bajaran bên protestokirin
11:05 Ji Yuksekdagê peyama ewil: Bila kes xemgîn nebe, nekarîn çok deynin
10:19 Hiqûqnas: Îktîdarê daraz weke amûra sûc bi kar anî
10:14 Li Wanê 21 kes hatin girtin
10:04 Eren Keskîn: Ev biryareke tolhildêr e
09:46 Di Doza Kobanê de li kîjan siyasetmedaran çend sal ceza hatin birîn?
09:23 Çakmak: Ji bo çûna Îmraliyê hevdîtinên me didomin
09:09 Dayikên Aştiyê di 'azadiyê' de bi israr in
09:07 Çalakiya girtiyên siyasî ya bi daxwaza azadiyê Abdullah Ocalan didome
09:04 Ji rojnameger Silêman Ehmed 206 roj in agahî nayê girtin
09:00 ROJEVA 17’Ê GULANA 2024
08:52 Amor û Sjostedt bertek nîşanî biryarên Doza Kobanê dan
08:47 Tuncel: Divê em têkoşîna li girtîgehan a li dijî tecrîda li Îmraliyê watedar bikin
08:44 Erdogan hikumxwarên 28’ê sibatê efû kirin
16/05/2024
22:51 Li Farqînê panela zimanê kurdî
22:03 Biryara Doza Kobanê hat protestokirin
21:59 Gultan Kişanak ji girtîgehê derket: Hewcedarî bi azadî û aştiyê heye
21:06 Nobeta Emîne Şenyaşarê di roja 105’emîn de ye
18:27 Ji DEM Partiyê li ber Sîncanê daxuyanî: Em vê biryarê nas nakin
18:08 Kesên di têkoşîna azadiyê de jiyana xwe ji dest dan hatin bibîranîn
17:03 Onder: Dê fermana derheqê me de heta nîvsaetekê bê eşkerekirin
17:02 Ji Ahmet Turk daxuyaniya ewil: Em ê têkoşîna xwe bidomînin
16:54 Biryarên di Doza Kobanê de li Meclisê tên protestokirin
16:43 DEM Partî piştî Doza Kobanê bi awayeke awarte dicive
16:41 Xebatên hilbijartinê ji 3 aliyan ve didome: Curnê Reş ya me ye
16:20 Ji DEM Partiyê li dijî biryara Kobanê berteka ewil: Em ê komployên we pûç bikin
16:12 Siyasetmedarên danişîna biryarê şopandin: Şoreşa Kobanê tê xwestin were mehkûmkirin
15:24 Di Doza Kobanê de ceza li ser ceza li siyasetmedaran hat birîn
15:13 Li dijî projeyên madenê yên li Dêrsimê banga ‘têkoşîna hevpar’
15:06 Rojnamevanên ku hate îdiakirin navê wan di lîsteya çalakvanî de ne îfade dan
15:00 Binçavkirin û girtinên li Wanê hatin protestokirin: Operasyona tolhildanê ye
14:48 Jina gef lê dihat xwendin tevî giliya kiribû jî nehat parastin
14:04 Ji bo Doza Kobanê bang hate kirin: Divê pêşeroja welat radestî tarîtiyê neyê kirin
13:57 Yilmaz Yavûz piştî 30 salên girtî hate berdan
13:05 Jinên girtî: Em ji bo şert û mercên azadiya Ocalan were pêkanîn, tev li danişînê nabin
13:04 Festîvala Filman a Cannesê bi çalakiya kedkarên sînemayê dest pê kir
12:09 Doza Kobanê: Navber dan danişînê