Cîgirê Hevserokên Giştî yê HDP’ê Tayyîp Temel ê di mitînga Edremîtê de axivî, diyar kir ku yekane jehrbira faşîzmê Partiya Çepên Kesk e û wiha got: “Partiya Çepên Kesk ban û garantiya hemû gelan e.”
Hevberdevkê Maseya Îslamê ya HDP’ê Emîn Ay ku di serdana namzetên parlamenteriyê yên Partiya Çepên Kesk ên Meletiyê de axivî destnîşan kir ku desthilat olê li gorî berjewendiyên xwe bi kar tînê û wiha got: “Baweriya me ew e ku dê parastvanên heqîqet, edalet û azadiyê di hilbijartinan de bi ser kevin.”
Partiya Çepên Kesk ji bo civîna gel a dê sibê bi tevlibûna Hevberdevk Çîgdem Kiliçgun Ûçar li navçeya Dortyol a Hatayê li dar bixe bang li welatiyan kir.
Li yek ji navendên erdhejê Bazarcixê mexdûrên erdhejê li benda hilbijartinê ne. Xelkê navçeyê dibêje ku dê di hilbijartinê de hesaba tiştên jiyayîn ji îktîdarê bipirsin û dengên xwe bidin Partiya Çepên Kesk.
Rêxistina Partiya Çepên Kesk a Sêrtê ji bo mîtînga ku dê sibê saet di 15.00'an de li Qada Demokrasiyê ya Sêrtê bê lidarxistin, bang kir.
Namzetên Parlementeriyê yên Partiya Çepên Kesk, li gelek bajaran xebatên xwe yên hilbijartinê didomînin. Di hevdîtinan de welatiyan peyama "Em li gel Partiya Çepên Kesk in û em dixwazin AKP'ê birûxînin" dan.
Partiya Çepên Kesk dê sibe li Parka Jinan a 8’ê Adarê bi tevlibûna dehhezaran mitîngê li dar bixe. Siyasetmedaran ji bo tevlibûna mitîngê bang li gel kirin.
Hevseroka Giştî ya DBP’ê Saliha Aydenîz di xebatên hilbijartinê yên Mêrdînê de bal kişand ser hilbijartinên 14’ê Gulanê û wiha got: “Em dibêjin ku divê komara demokratîk, neteweya demokratîk were avakirin.”
Namzetê parlamenteriyê yê Partiya Çepên Kesk ê Amedê Cengîz Çandar bi endamên Platforma Parastin û Piştevaniyê ya Bajar re hate ba hev. Çandar, da zanîn ku ev 2 sal in tu agahî ji Rêberê PKK’ê Abdullah Ocalan nayên girtin û wiha got: “Ev tecrîd zextek, gef û heqareteke li dijî kurdan e.”
Namzeta Parlamenteriyê ya Partiya Çepên Kesk a Erziromê Ayşan Tarlan ku cotkariyê dike got: “Em ê sedsala duyemîn ava bikin.”
Koordînasyona Hilbijartina Derveyî Welat a Partiya Çepên Kesk diyar kir dike ji bo Erdogan têk here divê hemû hilbijêrên kurd û elewî biçin ser sindoqan û bang li hilbijêran hat kirin ku roja dawî ya dengdayînê 9’ê gulanê ye.
Hevserokê Giştî yê HDP'ê Mîthat Sancar ku di çarçoveya xebatên hilbijartinê de li Mamakê axivî, got: "Tekane mohr, ew mohr e ku dê li bin dara Partiya Çepên Kesk bê xistin. Em ê ji sindoqê hêza guherînê û veguherîna demokratîk derxin."
Namzetên Partiya Çepên Kesk ji bo mitînga ku dê sibê li Antalyayê li dar bixin bang kirin û wiha gotin: “Em ê bi hev re biguherînin.”
Partiya Çepên Kesk amadekariyên mîtşnga Bûrsayê dike. Namzetên bajêr ji bo mîtînga ku dê di 7'ê Gulanê de li bajêr bê lidarxistin wiha bang kirin: "Werin em Bûrsayê bi rengê kesk boyax bikin."
Di dema civîna gel a Partiya Çepên Kesk de polîsan kontrola GBT’ê kirin û nehiştin kesên di bin temenê 18 saliyê de tev li civînê bibin. Xelkê navçeyê jî ev rewş protesto kir, protesto ya li ber buroya hilbijartinê veguherî mitîngê.