ÎHD û Înîsiyatîfa ji bo Girtiyên Nexweş Azadî gotin ku li dijî girtiyên nexweş nêzikatiyeke dijminane di meriyetê de ye û xwestin ku girtiyên nexweş ên rewşa wan giran Salman Yildiz, Serhat Karsu û Ufuk Keskîn bên berdan.
Dayikên Şemiyê aqûbeta Ridvan Karakoç pirsîn ku 29 sal berê di bin çavan de hatibû windakirin û gotin ku dê bi tu awayî dest ji lêgerîna edaletê bernedin.
ÎHD û Xizmên Windakiriyan di çalakiyên vê hefteyê de aqûbeta Mehmet Mehdî Akdenîz, Tahir Aslan û Mehmet Alî Aslan ên di bin çavan de hatine windakirin pirsîn û xwestin ku faîlên Abdulkerîm Vardar ê hatiye qetilkirin jî were darizandin.
Şaredariya Bajarê Mezin a Wanê ku di bin rêveberiya qeyûm de ye, nehişt afîşên bi kurdî yên DEM Partî û DBP’ê têkildarî 21’ê Sibatê Roja Zimanê Dayikê ya Cîhanê li bîllboardan bên daliqandin.
Berdevka DEM Partiyê Ayşegul Dogan biryarên MYK’ê eşkere dike.
DEM Partî dê di 25’ê sibatê de “Mitînga demokrasî û azadiyê” li dar bixe. Hevseroka DEM Partiyê ya Stenbolê Gonca Yangoz banga tevlibûna mitîngê kir û wiha got: “Ev mitînge banga ji bo demokrasî, azadî û jiyana nû ye.”
Platforma medyaya dijîtal a X’ê hesaba kurdî ya JINNEWS’ê "@JinnewsKurmanci" asteng kir.
TJA’yê belgeya xwe ya helwestê ya têkildarî hilbijartinên rêveberiyên herêmî ku dê di 31’ê adarê bên lidarxistin, eşkere kir. TJA’yê diyar kir ku divê paradîgmaya demokratîk, ekolojîk û azadîxwaziya jinê bikeve meriyetê û wiha got: “Em ê dîsa vê yekê nîşan bidin ku felsefeya ‘Jin, jiyan, azadî’yê yekane rêya felat û xilasiyê ye ji bo tevahiya mirovahiyê û xwezayê, bi taybetî jî ji bo jinan.”
Keştiyeke kargoyê li derdorê Girava Îmraliyê bi 6 murettebatên xwe ve noqî avê bûbû. Hat diyarkirin ku cenazeyên 2 murettebatan hatine dîtin.
Posterê Rêberê PKK’ê Abdullah Ocalan bi pireke Amedê ve hate hilawistin.
Rêveberê DEM Partiyê yê Bajêr Îshak Tekîn û rêveberê TUHAY-DER’ê Mahmût Îpek ên li Bursayê hatibûn binçavkirin, bi hinceta “emdamtiya rêxistinê” hatin girtin.
Sekretera Giştî ya OHD’ê Ebrû Akkal destnîşan kir zextên reveberiyên girtigehan ên ser girtiyên ketine greva birçîbûnê zêde bûne û li dijî tecrîda mutleq a Îmraliyê, bêdengiya saziyên civakî yên sivîl û partiyên siyasî rexne kir.
Akademîsyen Îsmet Konak têkildarî siyasetmedarê muxalîf ê rûs Alaksey Navalny axivî û wiha got: “Muxalîfên wiha ji ber xwe ve namirin. Îxtîmaleke mezin Navalny hatiye kuştin.”
Di çarçoveya lêpirsîna têkildarî karesata li qada madena zêr a li Licikê 8 kes hatibûn binçavkirin û ji van 6 jê hatin girtin.
Sekreterê ÎKK’a TMMOB’a Dêrsimê Ugur Beycan diyar kir ku li deverên Licikê yên hezaz lê çêbûye kîmyewiyên tevî nava axê bûn bi xwe re xetereyeke mezin tînin û wiha got: “Tişta ku em jê re dibêjin îzolasyon anku divê bi jeotekstilan qadên cidî bên avakirin û ev madeyên kîmyewî tavilê têkiliya wan a bi zemînê re bê qutkirin.”