Dayika Rojnameger Rohat Aktaş ê di dema qedexeya derketina derve ya Cizîrê de hat qetilkirin Melîha Aktaşê ji bo kurê xwe û kesên bi wî re jiyana xwe ji dest dane got: "Ew kulîlkên herî xweşik ên bihara me bûn."
Parêzerê Rêberê PKK’ê Abdullah Ocalan, Îbrahîm Bîlmez diyar kir ku helwesta CPT’yê ku neçû serdana Îmraliyê dibe sedema kûrbûna tecrîdê û wiha got: “Ev tê wateya paşguhkirina helwestên derhiqûqî yên Tirkiyeyê.”
Hevserokê DFG'ê Serdar Altan diyar kir ku rojnameger Dîcle Mûftûoglû ev 10 meh in bi awayekî derhiqûqî di girtîgehê de tê girtin û ji bo danişîna wê ya ku dê di 29'ê Sibatê de bê lidarxistin, bang kir.
Remziye Bîlîr a ji Îngilistanê ji bo piştgiriyê bide Nobeda Edaletê hat Amedê got: “Ez di warê wijdanî de ne rihet bûm, ez ji Îngîltereyê ji bo piştgiriyê hatim. Banga min ji hemû gel re ev e; Bila her kes bibe yek û li hemberî vê zilmê bêdeng nemînin."
Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd bi rêyên demokratîk daye destpêkirin di roja 91’an de didome.
Ji rojnameger Silêman Ehmed ê di 25’ê cotmehê de ji hêla asayîşa PDK’ê ve hate revandin 124 roj in tu agahî jê nayên girtin.
Berdana girtiyê bi navê Hakan Abî yê li Girtîgeha Tîpa T a Hejmar 1 a Yozgatê, di nava 15 mehan de 5 caran bi hinceta "reftara nebaş" û "neqebûlkirina p»oşmanîtiyê" hat astengkirin.
Ji Rêberê PKK'ê Abdullah Ocalan 36 meh in tu agahî nayê girtin. Tevî zêdebûna fikarên ji bo rewşa tenduristî û ewlehiya Abdullah Ocalan jî, CPT ya ku hat Tirkiyeyê, neçû Îmraliyê.
Namzetên hevşaredariya Bedlîsê yên DEM Partiyê di çarçoveya bernameya gelde hatin nasîn û diyar kirin ku wê bi piştgiriya gel şaredariyan ji qeyûman bigirin.
Hevserokê Giştî yê DEM Partiyê Tûncer Bakirhan di civîna gel a partiya xwe de ya li Cizîrê axivî û got: "Em navnîşanê didin ber kesên ku dixwazin pirsgirêka kurd çareser bikin, tecrîdê rakin."
Înîsiyatîfa ji bo Girtiyên Nexweş Azadî û Komîsyona Girtîgehan a Şaxa ÎHD’a Stenbolê xwestin ku girtiyên nexweş Emîn Aladag û Kemal Gomî bên berdan.
Hevberdevkê HDK’ê Cengîz Çîçek û Hevseroka Giştî ya DBP’ê Çîgdem Kiliçgun Uçar ji bo mitînga “Azadî û Demokrasiyê” ku dê sibe were lidarxistin, li Esenyurtê banga tevlibûnê kirin.
Di dema hevdîtina bi gel re ya DEM Partiyê ya li Şirnexê de polîsan êrişî girseyê kirin û 6 kes binçav kirin.
Namzetên hevşaredariyê yên DEM Partiyê yên Tûşbayê Hanim Akkoş û Umît Keser hatin binçavkirin. Hat zanîn ku tevî namzetan, 10 kesên din jî hatine binçavkirin.