Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan re ku 43 meh in tu agahî jê nayên girtin, serî li Serdozgeriya Bûrsayê û Midûriyeta Girtîgeha Îmraliyê dan.
Li bajarokê Vartînîsê ji heman malbatê 7 jê zarok 9 kes hatin kuştin, di dozê de biryara demborînê hat dayîn. Serokê Baroya Mûşê Kadîr Karaçelîk wiha got: “Em bi hemû taktîk û polîtîkayên necezakirinê re rûbirû man.”
Di rapora meha îlonê ya DFG’ê de, hate ragihandin ku bi ser mala 2 rojnamevanan de hatiye girtin, 5 rojnamevan hatin binçavkirin, 2 rojnamevan hatin girtin, gef li 4 rojnamevanan hatiye xwarin û derbarê 6 rojnamevanan de jî doz hatiye vekirin.
Rojnamevan Amed Dîcle yê hilbijartinên ku dê li Herêma Kurdistana Federe bên kirin nirxandin, wiha got: “Heke YNK di hilbijartinê de serbikeve dê darbeyeke mezin li Tirkiyeyê bide.”
Rojnameger Şêroo Ûrmiye ku ji rojhilatê Kurdistanê ye, wiha got: “Îran di bin zextekî giran de ye. Pêvajoya pêş hem ji bo Îranê hem jî ji bo kurdan gelek dibêtiyan di nava xwe de dihewîne.”
Cenazeyê Abdulkadîr Kuday ku yek ji girtiyên nexweş bû û tevî rewşa giran jî nehat berdan û li girtîgehê jiyana xwe ji dest da, anîn bajarê wî Mêrdînê.
Parlamentera DEM Partiyê Newroz Uysal Aslan diyar kir ku Rêberê PKK’ê Abdullah Ocalan di hevdîtina dawî de wiha gotiye: “Xwestin Îmraliyê bikin gor û Kurdistanê jî bikin cihê şer û dagirkeriyê. Lê belê ez jî dê vê derê veguherînim cihê aştî û çareseriyê.”
Dayika Haci Lokman Bîrlîk ê piştî hate binçavkirin hate qetilkirin û laşê wî bi wesayîta zirxî ve hate girêdan û li navenda bajêr hate kaşkirin Nazîre Bîrlîk, wiha got: “Haci Lokman bi kuştinê xelas nabin, bi hezaran Haci Lokman çûn lê têkoşîn didome.”
Hevserokê TUHAY-DER’ê Çetîn Uyar diyar kir ku heta azadiyê Abdullah Ocalan dê têkoşîna xwe bidomînin û wiha got: “Ji bo civakeke azad em ê di 13’ê cotmehê de li Amedê bin.”
Hevsekreterê Giştî yê ELDH’ê Thomas Schmidt diyar kir ku li dijî Rêberê PKK’ê Abdullah Ocalan “tecrîdeke taybet” heye û wiha got: “Komîteya Wezîran a Konseya Ewropayê divê ji ber destûra hevdîtinan nade, Tirkiyeyê şermezar bike.”
Peşmergeyê berê Cemîl Yaman diyar kir ku malbata Barzanî ji roja destpêkê heta niha bi Tirkiyeyê re di nava hevkariyê de ye û ji PDK'ê re got: "Ev ne pêşmergetî ye. Em ji bo azadiya welatê xwe bûn pêşmerge ne ji bo kuştina birayên xwe. Dev ji îxanetê berdin."
Salîh Kuday ê ku cenazeyê birayê xwe Abdulkadîr Kuday ji ATK'ê wergirt wiha got: “Tabût nîşaneya dijminatiya bi îşkence ye. Ev hemû bi tecrîdê ve girêdayî ne. Heta ku ev tecrîd neyê şikandin wê ev darbest ji girtîgehan derkevin."
Rojnamevan Gulistan Tara û Hêro Bahadîn ên ji aliyê Tirkiyeyê ve hatin qetilkirin, di roja 40’emîn a şehadeta xwe de li Silêmaniyê hatin bibîranîn.
Dê ji bo xwendekara zanîngehê Rojîn Kabaîş ku ev 6 roj in winda ye û 5 roj in jî lê digerin, ji Çanakkaleyê cîhazê lêgerînê yê di nava avê de dixebite bînin.