Nobeta Edaletê ya li bajarên cuda hatiye destpêkirin berdewam dike. Hevserokê Giştî yê DBP’ê Keskîn Bayindir serdana nobeta li Wanê tê domandin kir û got: “Me di Meşa Azadiyê de dît ku ji 7 saliyê heya 70'ê saliyê ji bo azadiya Abdullah Ocalan têkoşîn tên dayîn. Kurd ser piya ne û li her dereke ji bo azadiya Ocalan têdikoşin.”
Mûtlak Tozûnê ku 30 sal bûn li Girtegeha Tîpa T ya Akhîsarê dihate ragirtin û ji ber nexweşiyên xwe yên tenduristiyê rakiribûn nexweşxaneyê û pişt re bi şertê kontrola edlî hatibû berdan, sewqî Nexweşxaneya Perwerdehî û Lêkolînê ya Wanê hate kirin.
Şaxa ÎHD’a Îzmîrê xwest ku girtiyê nexweşê giran Şehmûs Koç di şertên guncav de were dermankirin û Înîsiyatîfa ji Girtiyên Nexweş re Azadî jî daxwaza berdana girtiyê nexweşê penceşêrê Mahmût Başyîgît kir.
Hevserokê Giştî yê DEM Partiyê Tûncer Bakirhan li Xinûsê bersiva siyasetmedarên AKP'î da. Bakirhan her wiha got: "Yên ku Şêx Seîd Efendî birin darê îdamê, birêz Ocalan tecrîd dikin."
Dayikên Şemiyê aqûbeta xwendekarê Fakulteya Îqtîsadê ya Zanîngeha Stenbolê Cuneyt Aydinlar ê di 20’ê sibata 1994’an de di bin çavan de hate windakirin, pirsîn. Di çalakiyê de pirsa dayik Menekşe Aydinlar a “Bû 30 sal. Mafê min heye; çi li roniya çavê min hat?” dîsa hate pirsîn.
Dadgehê derbarê 18 kesên ji ber Doza Kobanê tên darizandin de biryara domandina girtinê da û ji bo vê biryarê jî îdiayên berê ketine dosyeyên siyasetmedaran weke hincet nîşan da.
Wezîrê Parastinê Yaşar Guler bi Serokê Herêma Kurdîstana Federe Nêçîrvan Barzanî re hevdîtin pêk anî.
Malbatên Windakiriyan aqûbeta Cuneyt Aydinlar ê li Stenbolê di bin çavan de hatiye windakirin û Zeynel Kursep ê li Êlihê ji aliyê 2 kesên çekdar ve hate revandin pirsîn.
YSK’ê li ser nerazîbûna AKP’ê serlêdana namzetê hevşaredariyê yê DEM Partiyê yê Bedlîsê Faruk Îşlek betal kir.
Hevserokê Giştî yê DBP'ê Keskîn Bayindir beşdarî vekirina buroya hilbijartinê ya Wanê bû got ku li Wanê girseya gel mizgîniya serkeftinê da. Bayindirî bangî li hilbijêrên Kurd ên ku heya niha piştgirî didan AKP'ê kir û got: ‘’Êdî li wir nesekinin, mala we ev der e, cihê ku hûn ê pê serbilind bibin, ev der e.’’
Hate diyarkirin ku di nave mehekê de 3 caran bi ser qawişên jin ên li Girtîgeha Jinan a Şakranê tên ragirtin de hatiye girtin, zirar dane tiştan û gardiyanên mêr tev li lêgerînan bûne.
Hevserokê Giştî yê DEM Partiyê Tûncer Bakirhan ê li Qereyaziyê bang li hezaran kesan kir, wiha got: “29 roj man ku qeyûm bişînin. Em ê bi hev re piştî 29 rojan qeyûman bişînin lê em ê teqez hesaba nelirêtiyên ku qeyûman kirine jî bipirsin.”
Meclisa Jinan a DEM Partiyê starta kampanyaya hilbijartinê ya namzeta Hevşaredariyê ya Bajarê Mezin a Enqereyê Kişanakê û 8’ê Adarê da. Berdevka Meclisa Jinan Halîde Turkoglû di daxuyaniyê de axivî.
Endama Platforma Jinan a 8'ê Adarê Jinan Sînem Ozkan, ji bo “hevdîtina Jinan” a sibê li Kadikoyê were lidarxistin bang kir û xwest ku jin li kursiya ku dê bê li darxistin û daxwazên xwe bînin ziman.
Ji rojnameger Silêman Ehmed ku 130 roj berê ji hêla asayîşa PDK’ê ve hate revandin, tu agahî jê nayên girtin.