Darizandina polîsên ku li Licê îşkence li zarokê 14 salî kiribûn didome. Di lêpirsîna dîsiplînê de ku hatiye birêvebirin, der barê polîsên bersûc de cezayê “3 roj ji meaşê wan hatiye birîn” û “cezayê pêşvebirina kademê” hatiye dayîn.
Danişîna doza Midûrê ji Karên Nivîsan Berpirsyar ê Rojnameya Xwebûnê Mehmet Alî Ertaş hate taloqkirin.
Hat ragihandin ku dewleta tirk di nava 2 rojan de 35 caran li dijî Herêma Federe ya Kurdistanê bi çekên kîmyewî êriş kir.
Biryarên Doza Kobanê li Amedê bi girseyî hate protestokirin. Hevseroka Giştî ya DEM Partiyê Tulay Hatîmogûllari di çalakiyê de wiha got: “Me di berxwedana Kobanê de rê neda DAIŞ’ê û dê niha jî nedin.”
Serfermandariya Artêşê ya Îranê ragihand ku ÎHA’ya Akinci ya Tirkiyeyê ku piştî qezaya helîkopterê şandin herêmê, cihê qezayê rast tespît nekiriye.
Cîgirê Hevserokên Giştî yê DEM Partiyê Ozturk Turkdogan têgeha “sîxurgeriya bandorkirinê” ya ku di Pakêta Darazê ya 9'emîn de cih digire nirxand û got ev wê rê li ber cezakirina rojnamevan, aktîvîstên civaka sivîl, siyasetmedar û lêkolîneran veke.
Qeyûmê Şaredariya Bajarê Mezin a Amedê ji bo fîlmê danasînê yê “Awazê senfonîk ê Amedê bijî û îmajê” ku 5 deqîqe ye, 4 milyon lîre pere xerc kir.
Di serdegirtinên malan ên li Rihayê de 5 ciwan hatin binçavkirin.
Zelîha Ozkaplan a ducanî li Cizîrê hat qetilkirin. Birayê wê Cuma Kaptikaçti da zanîn ku bi salan tundî li xwişka hatiye kirin û giliyê der barê kujer de hatine kirin li ber çavan nehatine girtin.
Hevseroka Giştî ya ÎHD’ê Eren Keskîn da zanîn kıu mirina mejî ya girtî Akdogan îro pêk hatiye û got ku destûr nehatiye dayîn ku malbata wî cara dawî bibîne.
Serlêdana îtirazê ya i bo taloqkirina berdana Veysî Aktaşê li Îmraliyê di bin tecrîdê de tê girtin, hat redkirin.
Efe Hantaş ku birayê wî Recep Hantaş ji hêla polîsan ve hatibû qetilkirin, bertek nîşanî necezakirina polîs Kemal Bozkurt ê birayê wî kuştî da û wiha got: “Divê canê kurdan ewqas jî bêqîmet nebe. Ji bo cezakirina polîs em ê têkoşîna xwe ya hiqûqî bidomînin.”
Girtiyên bi daxwaza azadiya Rêberê PKK’ê Abdullah Ocalan û çareseriya demokratîk a pirsgirêka kurd hevdîtina û telefona bi malbatê re boykot dikin, çalakiya xwe didomînin. Malbatên girtiyan destnîşan kirin ku ew ê li pey daxwazên girtiyan bin.
Berdevkê Komîsyona Hilbijêrên Bitevger a DEM Partiyê Mehmet Ogur bang li hilbijêrên Curnê Reş ên derveyî navçeyê kir û wiha got: “Bi dengekî her tişt diguhere. Dê bike ku şaredariya ev 45 sal in weke şîrketa malbatekê tê bikaranîn bikeve destê gel. Xwe bigihînin me, werin dengê xwe bidin.”
Agurne Gaubeka Erauskin a ji Baskê ku li ser zimanan lêkolînan dike, anî ziman ku piştî têkoşîneke dûr û dirêj imanê xwe parastine û got ku divê kurd jî ji xeynî "fermîbûna kurdî" tu rêyeke din qebûl nekin.