Hevseroka Giştî ya DBP’ê Çîgdem Kiliçgun Ûçar a di mitînga 1’ê Îlonê Roja Aştiyê ya Cîhanê de axivî wiha got: “Kesên dixwazin li wêneyê Tirkiyeyê binêrin bila li Îmraliyê binêrin. Bêhiqûqî li wir e, li Îmraliyê aştiya birûmeta a tê xwestin heye. Birêz Ocalan ji bo aştiyê siyasetmedarên biwêrek digere.”
Xizmê Hakîm Lokman ê di êrişa nijadperest a li Fatîhê de jiyana xwe ji dest da, Abdûllah Ayvalik xwest ku êrişkar bên girtin.
Hevserokê Giştî yê DBP’ê Keskîn Bayindir ê di meşa 1’ê Îlonê ya li navçeya Silopiyayê de axivî, destnîşan kir ku daxwaza kurdan a azadî û wekheviyê heye û wiha got: “Rêya çareseriyê Abdullah Ocalan e. Mûxatab Îmrali ye.”
Welatiyê bi navê Hakim Loqman ê ji Dihokê, li Stenbolê rastî êrişa bi kêran hat û jiyana xwe ji dest da. Parêzer Bêrîvan Barîn da zanîn ku dema Lokman bi kurdî diaxivî ji hêla 4 kesan ve hatiye acizkirin û di êrişê de hatiye qetilkirin.
Polîsên tîmên taybet li navçeya Pulurê bi ser çayxaneyekê de girtin û welatiyê bi navê E.K. bi lêdanê binçav kirin.
Rojnameger Gulistan Tara û Hêro Bahadîn ku di êrişên dewleta tirk de hatibûn qetilkirin, li Dîlokê hatin bibîranîn.
Walîtiya Amedê herêmên Kurşunluduzu û Çiyayê Goreseyê yên navçeya Pîranê weke “Herêma ewlehiya taybet” ragihand.
Parlamenterê DEM Partiyê Huseyîn Olan da zanîn ku li cihê serokkomar Erdogan gotibû; “Em hîmê tesîsa madeyên teqemeniyê ya bi bihayê milyarek û 525 milyon TL’an li Bedlisê diavêjin” yek bizmar jî lê nehatiye xistin.
Hat zanîn ku cenazeyên 2 kesên tê gotin li çoltarê Çiyayê Bagokê jiyana xwe ji dest dane, birin Qişleya Leşkerî ya Cevatpaşayê.
Cenazeyê welatiyê bi navê Ferît Atay li gundê Şanişê yê navçeya Nisêbînê hate dîtin.
Rêxistinên civaka sivîl û demokratîk ên Amedê bi boneya 1’ê îlonê deklarasyonek parve kirin û bang li hemû derdoran kirin ku di mijara çareseriya pirsgirêka kurd de li xwe berpirsyartiyê bigirin.
Çoltarê Çiyayê Bagokê yê Nisêbînê ku di bin navê “herêma ewlehiya taybet” de hatiye qedexekirin, bi balafirên şer hate bombebarankirin.
Meteorolojiyê Stenbol jî di nav de ji bo gelek bajaran hişyariya barîna zêde kir.
Hiqûqnas Dîlek Ekmekçî ku derheqê hinek kesên ji MHP û Ulku Ocaklariyan serlêdana sûc kiribû, hate binçavkirin.
Welatiyên beşdarî "Xwendinên Azadiyê" bûn diyar kirin ku kargeh ji bo pêkanîna wekheviya jin û mêran de veguhertinek afirandiye û ji bo fêmkirina felsefeya Abdullah Ocalan girîng in.