Wezareta Karên Hundir têkildarî tayînkirina qeyûman a li 3 şaredariyên DEM Partiyê daxuyanî da. Wezaretê ragihand ku bi hinceta lêpirsîn û cezayên derheqê hevşaredaran de didomin qeyûm hatine tayînkirin.
Hevşaredarê Bajarê Mezin ê Mêrdînê Ahmet Turk ku li şûna wî qeyûm hate tayînkirin, ev peyam da: “Em ê di têkoşîna xwe ya demokrasî, aştî û azadiyê de paşvegavê neavêjin.”
Li Şaredariya Bajarê Mezin a Mêrdînê, Şaredariya Êlihê û Şaredariya Xelfetiyê qeyûm hatin tayînkirin.
Li Çorûmê di avahiyek 5 qatî de teqîn pêk hat û kesek mir û 33 kes jî birîndar bûn.
Di Desteya Giştî ya HDK'ê de Meral Daniş Beştaş û Alî Kenanoglû ji bo Hevberdevkiya HDK'ê hatin bijartin.
Mihrîcana Zarok û Ciwanan a Komirê di roja duyemîn de bi stranên kurdî bi dawî bû.
Serokê HEP’ê yê Dîlokê Abdulsamet Sakik ku ji hêla tetîkkêşê hîzbîkontrayê Fûat Balca ve hatibû qetilkirin, di 32’yemîn salvegera qetilkirina xwe de hate bibîranîn.
Serokê Giştî yê CHP’ê Ozgur Ozel da zanîn ku dê li dijî girtina Şaredarê Esenyurtê û tayînkirina qeyûm, “Nobeta Esenyurtê” bidin destpêkirin.
Kesên beşdarî lijneya HDK’ê bûn bal kişandin ser armanca damezirandinê û wiha gotin: “Bernameya HDK’ê û rêziknameya wê, pêngava têkoşîna yekbûyî ya ji Geziyê heta Rojava ye.”
Hevserokê Giştî yê DBP’ê Keskîn Bayindir diyar kir ku çareseriya tu kesekî ji bo krîzên li cîhanê tune ne û wiha got: “Tenê çareseriya birêz Ocalan ji bo krîzên li cîhanê heye.”
Hevserokê Giştî yê HDK’ê Tuncer Bakirhan bal kişand ser girîngiya têkoşîna HDK’ê û got: “Ji bo em nekevin nava rageşiya Rojhilata Navîn, divê pirsgirêka kurd were çareserkirin, tecrîda li ser birêz Ocalan were rakirin û birêz Ocalan bikare bi hevalên xwe re biaxive.”
Hevberdevkê HDK’ê Cengîz Çîçek diyar kir ku civakîbûna aştiyê yek ji sedemên hebûna HDK’ê ye û wiha got: “Gelo ev tecrîd çawa dikare bê rakirin? Birêz Ocalan ji hêla fîzîkî dikare çawa were azadkirin? Bersiva van pirsan, têkoşîna yekbûyî ya gelan e.”
Şêniyên navçeya Esenyûrtê ku bertek nîşanî tayînkirina qeyûm a li Şaredariya Esenyûrtê dan, diyar kirin ku divê gel li dijî qeyûm hîn bêhtir li ber xwe bide.
Midûriyeta Giştî ya Meteorolojiyê bi koda zer hişyariya barîna zêde ji bo bajarên bakurê Kurdistanê kir.