Namzetê parlamenteriyê yê Partiya Çepên Kesk Huseyîn Olan destnîşan kir ku li dijî pirsgirêkên ku bajêr dijî hêza çareseriyê ne û got ku ji bo çareseriyeke aştiyane ya pirsgirêka kurd divê teqez desthilata heyî biçe.
Rêveberê Partiya Çepên Kesk ê Îzmîrê Bahrî Akkan ji bo mitînga di 12’ê gulanê ku dê li Qada Gundogduyê were lidarxistin bang kir û wiha got: “Em ê vê îktîdarê bi hev re têk bibin û bi hev re di rêya xwe de bimeşin.”
Di rapora pispor a pêvek de ku ji bo Diyar Galeria di erdhejê de hilweşiya hat xwestin, îşaret bi wê yekê hat kirin ku sedemê hilweşandinê tenê ne sedemek e û gelek kes û sazî bi qisûr hatin dîtin.
Li Xarpêtê Zeynep Çam a 109 salî bang li her kesî kir ku dengên xwe bidin Partiya Çepên Kesk û got: “Ez partiya xwe nas dikim, ez ê mohra xwe li binê darê bixim. Mohra xwe li binê darê bidin û em fêkiya darê bixwin.”
Welatiyên Bursayê diyar kirin ku ji rewşa xerab a aboriyê îktîdar berpirsyar e û wiha gotin: “Çareserî, Partiya Çepên Kesk e. Em ê di 14’ê Gulanê de hesabê bipirsin.”
Jinên ku di mitînga Partiya Çepên Kesk a li Parka Yogûrtçû de hatin bahev bertek nîşanî tecrîda li Îmraliyê da û wiha got: “Heta ku Abdullah Ocalan azad nebe, kes azad nabe.”
Li Bagcilara Stenbolê di embara avahiyekê de qeyda “hilbijêrên sexte” derket. M.C. ji bo qeyda xwe betal bike serî li midûriyeta nifûsê da û hişyarî da muxalefetê.
Namzeta Parlementeriyê ya Partiya Çepên Kesk Mûazzez Orhan Işik diyar kir ku li dijî kedxwariyê bi awayekî bihêz ber bi hilbijartinê ve diçin û got ku ew ê li Tekirdagê dîrokê binivîsinin.
Şaredariya Bajarê Mezin a Amedê ku qeyûm tayînî wê hatiye kirin, piştî îhaleya bi bedêla 365 hezar lîreyî ya ji bo danasîna sûrên dîrokî, îhaleyeke din çêkir. Bedêla îhaleya nû 535 hezar lîre ye.
Berdevkê Tevgera Jinûve Avakirina Jiyanê Ahmet Guden bi lêv kir ku wan li dijî xalîkirina ji mirOvan a li Kurdistanê ev tevger ava kiriye û wiha got: "Ji ber vê yekê jî em piştgiriya Partiya Çepên Kesk dikin. Ji ber ku jiyana nû wê bi Partiya Çepên Kesk bê avakirin."
Partiya Çepên Kesk, li gundê Yeşîl ê Sûrê bi gundiyan re civiya. Di hevdîtinê de îşaret bi siyaseta demokratik hat kirin û hat gotin ku divê kes hesabê siyaseta bêyî kurdan neke.
Partiya Çepên Kesk, li Taxa Ozgurê şahiyek li dar xist û ji bo beşdariya li mîtînga ku dê sibê bê lidarxistin bang kir.
Li navçeya Ceyhanê ya Edeneyê jina bi navê Derya Şengul hat qetilkirin.
Endamên TEHÎS’ê muzîkjen Cîhan Aymazê ku li Stenbolê di êrişeke nijadaprest de hat qetilkirin, bi stranên kurdî bibîr anîn û gotin ku piştî her muzîkjenekî hêrsa wan mezintir dibe.