Jinên ku bi awayek aktîf di xebatên hilbijartinê yên Partiya Çepên Kesk de cih girtin gotin: “Guhertin wê bi me pêk were. Mifteya guhertinê di destê jinan de ye.”
Ajansa Anadoluyê şîrketa ku encamên hilbijartinê jê digire vedişêre û eşkere nake. Nûnerê AA’yê yê berê îdia kir ku AA encamên hilbijartinan ne ji YSK’ê lê ji AKP’ê digire.
Namzetên parlamenteriyê yên Partiya Çepên Kesk ên Amedê banga beşdariya mitînga Amedê kirin û gotin: “Werin em tev li mitînga fînalê û serkeftinê ya Amedê bibin.”
Heta niha 55 hezar hilbijêran serî li Partiya Çepên Kedk dane û dê ji bo dengê xwe bidin li herêmên wan bên veguhestin. Ji Komîsyona Hilbijêrên Livdar Ferhan Kaplan got ku dê tu hilbijêrên xwe li derve nehêlin.
Ji Koordînasyona Hilbijartinê ya Stenbolê Zeynep Çelîk diyar kir ku wê 5 hezar parêzer û ekîba gerok roja roja hilbijartinê dê li hemû dibistanan li ser sindoqan bin. Hevserokên Giştî yên OHD’ê Serhat Çakmak û Ekîn Yeter jî gotin dê roja hilbijartinê hezar û 600 parêzer li qadê bin.
Li Cizîrê zarokê bi navê Ferhat Tadîk ê 15 salî bi awayekî biguman jiyana xwe ji dest da.
Nûnerê YSK’ê yê HDP’ê Mehmet Ruştu Tîryakî diyar kir ku dê di roja hilbijartinê de bi dehhezaran dilxwazan li ser sindoqan bin û banga li muxalefetê kir ku li berpirsyartiya xwe rabe.
Li Dîlok û Mereşê Koordînasyona Hilbijartinê ji bo muşahidbûyînê bang kir û ji bo avakirina jiyana nû îşaret bi girîngiya parastina sindoqan kir.
5 meh di ser erdhejê re derbas bûne, lê hê jî tu tişt neguheriye. Li Hatayê mexdûrên erdhejê gotin: "Tenê armanceke me heye, ew jî şandina vê desthilatê ye."
Nûriye Arslan ji bo dermankirina kurê xwe Mehmet Arslan ku 3 sal berê bi motorê qeza kiriye û ji wê çaxê ve ne li ser hişê xwe ye, banga alîkariyê kir.
Hevberdevkê Maseya Îslamê ya HDP'ê Emîn Ay anî ziman ku desthilata AKP'ê ola îslamê li gor berjewendiyên xwe bi kar tîne û wiha got: "Li gor pîvan û qaîdeyên ola îslamê ez ê deng bidim Partiya Çepên Kesk. Banga min jî ev e ku li dijî rêya Nemrûdên ku ola îslamê ji bo berjewendiyên xwe bi kar tîne, rêya Îbrahîmî hilbijerin."
UDelegasyona Aştiyê ya Îmraliyê ya Navneteweyî serdana OHD'ê kir. Di serdanê de parêzer Nûrettîn Kûzû bal kişand ser Rêberê PKK'ê Abdullah Ocalan û got: "Em dixwazin Konseya Ewropayê deng derxîne. Pozîsyona wan qels e. Mueyîdeyên cidî pêk naynin."
Mehmet Ûytûn ê 18 mehî bi kapsula gazê hatibû qetilkirin. Di doza der barê kuştina Ûytûn de, dadgehê diyar kir ku ji bo bê nirxandin ka sûc di çaçroveya "kuştina bi qesdî de ye" yan na, dosyeyê ji Dadgeha Cezayê Giran a Nobedar re şand.
Delegasyona Aştiyê ya Îmraliyê ya Navnetewî ku li Stenbolê hevdîtinên xwe didomîne serdana HDK’ê kir. Ozturk Turkdogan, diyar kir ku pirsgirêka kurd pirsgirêkeke navnetewî ye û anî ziman ku piştî hilbijartinên 14’ê Gulanê divê Tirkiye bê şopandin.