Berdevka HDP’ê Ebrû Gunay da zanîn ku piştî hilbijartinê pêvajoya xwenûkirinê dane destpêkirin û wiha got: “Piştî ku civînên lijneyên partiyê bi dawî bûn, em ê li ser esasê rexne-rexnedayînê kongreya xwe ya mezin li dar bixin.”
Di meha gulanê de li Îranê 21 jê jin bi giştî herî kêm 107 kes hatin girtin.
Siyasetmedarê kurd Muhsîn Melîk 29 sal berê li Rihayê hat qetilkirin. Kûrxalê Melîk, Saît Aydogdû diyar kir ku Muhsîn Melîk ji bo xelkê xwe canê xwe feda kir.
Li ser rêbeja D-10’ê ya Gebzeyê TIR’ekê li mînîbûsa karkeran xist. Di encama qezayê de 13 karker birîndar bûn.
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 2 salan zêdetire tu agahî jê nayên girtin, dîsa serî li Serdozgeriya Komarê ya Bursayê û Miduriyeta Girtîgeha Îmraliyê dan.
Rêxistina Mafên Mirovan a Efrîn-Sûriyeyê da zanîn ku di meha gulanê de li Efrînê 53 kes hatin revandin û bi sedan dar hatin birîn.
Nexweşa Pênceşêrê Elîf Rûşen diyar kir ku ji ber piştî erdhejê li Nexweşxaneyên Semsûrê bijîşkên nexweşiya wê neman, tevî nexweşiya xwe jî bi derfetên xwe diçe Dîlokê tedawî dibe û got: "Ji ber xetereya enfeksiyonê bigirim heye, nikarim li cihên qelebalix bimînim, ji ber wê jî daxwaza min ew e ku wesayiteke taybet ji min re bê dayîn."
Siyasetzan Ahmet Mûrat Aytaç diyar kir ku Erdogan di hilbijartinan de serkeftineke teqez bi dest nexistiye û wiha got: “Divê muxalefet her cureyên ku siyaseta wekhevî û azadiyê bihêz dike binirxîne.”
Mustafa Bor ê li Geverê di serdegirtina malê de bi tundiya polîsan re rûbirû mabû wiha got: “Ev rewş 6 sal in bi awayek sîstematîk didome. Xetere li ser jiyana min heye.”
Nûçegihanê MA'yê Emrûllah Acar ku piştî 7 mehn ji girtîgehê derket, diyar kir ku ji ber nûçeyên xwe hatine sûcdarkirin û wiha got: "Ji me kesek tenê jî li derve bimîne, wê rastî di tariyê de nemînin."
Buroya Hiqûqê ya Sedsalê ku ji bo dawî li bêragihandina mutleq a li hember Rêberê PKK'ê Abdullah Ocalan bê serî li CPT'yê da, diyar kir ku demildest ew li benda helwesteke çareserkirinê ne.
Serokê Baroya Îzmîrê Sefa Yilmaz diyar kir ku Erdogan peyama ku dê mudaxileya li darazê bidome daye û got: "Li ber cibeya me ne qulpik hene ne jî bişkok. Em ê bêyî tirs têkoşîna xwe bidomînin."
Namzeta Parlementeriyê ya Partiya Çepên Kesk a Îzmîrê Meryem Yildirim bi îdiaya "endamtiay rêxistinê" hat girtin.
Di doza qetilkirina muzîkjen Onûr Şener de ji bo faîlan cezayê muebbedê hate xwestin.