Hewldana Edaletê ya ji bo Roboskê di meha 138’an a Komkujiya Roboskê de bertek nîşan da û wiha got: “Divê faîl bên darizandin. Heta edaletê neyê Roboskê dê neyê Tirkiyeyê. Heta em edaletê pêk tînin jî dê nerazên û nehêlin hûn razên.”
Greva birçîbûnê ya Mazlûm Dag û Abdurrahman Er ku li dijî binpêkirinên mafan dane destpêkirin di roja 42’yemîn de didome.
Emîne Şenyaşar roja ewil a Cejna Qurbanê li pêşiya Edliyeya Rihayê pêşwazî kir û wiha got: “Îro cejn e û hemû kes bi nevî û zarokên xwe re ye. Lê ez dîsa li pêşiya edliyeyê me. Dixwazim êdî cejnan li mala xwe derbas bikim.”
Di serdanên gorên kesên di têkoşîna demokrasî û azadiyê de jiyana xwe ji dest dayîn de peyama “Em ê xwedî li mîrateya wan derkevin” hate dayîn.
Li Şirnexê ji bo 11 herêman biryara qedexeyê hatibû dayîn û ev qedexe ji bo 15 rojên din hate dirêjkirin.
Bi ser qetilkirina Şêx Seîd û hevalên wî re 98 sal derbas bûn lê hêj jî cihên gorên wan nayên zanîn. Nevî û vasîsê Şêx Seîd, Kasim Firat bertek nîşan da û wiha got: “Heta ku em cihê gora wan dibînin dê ev têkoşîna me bidome.”
Partiyên siyasî û saziyên civaka sivîl bi boneya Cejna Qurbanê bi pêşengtiya MEBYA-DER’ê çûn serdana gora Serokê HEP’a Amedê Vedat Aydin. Di serdanê de hat gotin ku dê têkoşîna Aydin mezintir bikin.
Lijneyên Rêveberî û Çavdêriyê tehliyeyên girtiyan asteng dikin û ji bo serê her civînê jî di bin navê “mafê hizûrê” de pereyan distînin. Kurê girtî Sînan Sutpak ku ev 30 sal in di girtîgehê de ye, Ozgur Sutpak got ku biryarên van lijneyan hiqûqî nînin.
Endamê OHD parêzer Nagehan Avçîlê diyar kir ku li Girtîgeha Antalyayê girtî bênefes tên hiştin û got ku tecrîda li Îmraliyê wekî metodeke îşkenceyê li hemû girtîgehan veguheriye polîtîkayekê.
Endamê Lijneya Koordînasyona DÎB'ê Salîh Zekî Tombak diyar kir ku bi dengê Abdullah Ocalan re dê rûyê siyasetê biguhere û got: "Hemû kesên doza wekhevî, aştî, demokrasî û azadiyê dikin û hemû kesên doza hiqûqê dikin divê nerazîbûna xwe ya ji bo tecrîdê nîşan bidin."
Berdevkê Rêxistina Mafê mirovan a Efrînê Îbrahîm Şêxo ku der barê hevdîtina Astanayê ya dawî de axivî, bal kişand ser şertên hikûmeta Şamê yê ji bo derketina Tirkiyeyê ya ji Sûriyeyê û got ku Tirkiye ji herêmê vekişe jî lê heta hêzên paramîlîter ên giredayî wê li herême bin dê aramî ne pêkan be.
Partiya Çepên Kesk û HDP’ê, têkildarê bêhiqûqiya li dijî rojnamevan Merdan Yanardag ku ji ber bal bir ser tecrîda li ser Rêberê PKK'ê Abdullah Ocalan hat girtin, bang li her kesî kirin ku li dijî tecrîdê dengê xwe derxînin.
Serokê Komeleya Çandê ya Haci Bektaş Velî Ûfûk Emre Bektaş, anî ziman ku dewlet ji bo Komkujiya Madimakê xwe li nedîtinê datîne û got: "Em ê li hemberî xirabiya rêxistinkirî ya komkujiyan diafirîne bitêkoşin."
Buroya Hiqûqê ya Asrinê, ji bo balê bikişîna ser tecrîda li ser Rêberê PKK'ê Abdullah Ocalan li ser twîtterê hastaga #İmralıTecridineSonVerilsin da destpêkirin.