Parlamentera Partiya Çepên Kesk a Sêrtê Sabahat Erdogan Saritaş a têkildarî birîna daran a li herêma Bestayê û şewatên daristanan axivî, wiha got: “Dixwazin herêmê bêmirov bihêlin.”
Rojnamevan Fehîm Taştekîn, diyar kir ku Serokê Dewletê yê Sûriyeyê Beşar Esad bi gotina hevdîtina bi şert a bi Tirkiyeyê re peyamekê hem dide Erdogan hem jî dide Pûtîn û anî ziman ku hevdîtina gengaz dê “senaryo” be.
Gerînendeyê Weşana Giştî yê Rojnameya Ozgur Gundemê ku yek ji kevirên bingehîn ên kevneşopiya Çapemeniya Azad e û herî dawî ji aliyê hikûmeta AKP'ê ve hat girtin Zana Kaya anî ziman ku ew ê kevneşopiya ku weke “têkoşîneke heqîqetê” bi nav dikin, bidomînin.
Endamê damezirîner ê ÎHD’ê û TÎHV’ê Mehmet Vûral têkildarî yekitiya neteweyî ya kurd axivî û wiha got: "Divê kurd di navbera xwe de ne şerekî birakujiyê lê hiqûqeke xwişk û biratiyê ava bikin."
Li Çiyayê Gabarê li çoltera gundê Banîsra ku yek ji noxteyên ku kuleyên leşkerî lê ne, agir bi daristanê ket.
Li navçeya Gebzeyê di serdegirtinên malan ên serê sibê de 4 HDP’î hatin binçavkirin.
Mûstafa Tedbîrlî, Kerem Arvas û Garîp Îpek ên li gundê Peyîndasê bi îşkenceyê hatibûn binçavkirin hatin girtin, Serkan Îpek, Necîep Tedbîrlî, Heybet Çelîk, Velî Çelîk û Hîkmet Tedbîrlî jî bi şertê kontrola edlî hatin berdan.
6 kesên duh li navçeya Ceyhanê bi îdiaya “propagandaya rêxistinê kirine” hatibûn binçavkirin, hatin berdan.
Welatiyên li Rihayê di civînên gel de diyar kirin ku ji bo tecrîda li Îmraliyê bê rakirin divê herkes tişta dikeve berê wan bike û wiha gotin: “Bi rakirina tecrîdê civak dê bêhnê bistîne.”
Malbata Şenyaşar ber bi Wezareta Dadê ve meşiya û xwest bi wezîr re hevdîtinê bike. Lê malbat bêyî ku sedemek were destnîşankirin hate astengkirin.
Operasyona li gelek gundên girêdayî Xîzanê hatiye destpêkirin didome. Ji welatiyên di serdegirtinên gundê Xûlepûrê de hatibûn binçavkirin Ahmet Aktay û Abdul Alîm Aktay hatin girtin.
Di encama gulebarana artêşa tirk a li ser sînorê rojhilatê Kurdistanê de 2 kolber birîndar bûn.
Şaxa EGE TUHAY-DER a Îzmîrê 3’yemîn Kongreya Asayî li dar xist. Di kongreyê de beşdaran bal kişand ser tecrîda girankirî ya li ser Rêberê PKK’ê Abdullah Ocalan û gotin ku tecrîd bandorê li her qada jiyanê dike.
Parêzer Nûray Ozdogan got ku tu eleqeya Doza Kobanê bi hiqûqê nîne û wiha got: “Hejmara kesên di bûyeran de jiyana xwe ji des dane her tim diguhere. Dadgeha nizane bê ka çend kesan jiyana xwe ji dest dane.”